麻辣皇后 (已結業)

深水埗出名食店眾多，麻辣粉麵比例較少，所以今次見到福榮街嘅咗「麻辣皇后」分店，梗係嚟踩踩場，食番一個麻辣麵啦～湯底都分好多種，辣度都有等級分，以我今次就食個 微辣麻辣湯底薯粉配五花腩及蘿蔔，湯底非常正宗，夠晒麻同辣，十分惹味。 薯粉仲要索曬湯底嘅味道， 越食越過癮，五花腩肥肉層次分明，薯白夠淋好入味。朋友就叫了冬瓜陳皮鴨湯飯，賣相比較一般，味道都不過不失，合格啦～至於小食有麻辣黃金皮蛋都好夠味， 皮蛋好滑溜而且味道不錯。甜品方面，我最愛綠茶佛餅，煎得剛剛好，好香而且不太甜，十分滿意。