Fûhn (The L. Square) (已結業)

係L.square樓上有間大碗又美味既越南菜，今日就過去試下【火車牛魔王】有河粉同金邊粉揀，我地揀左河粉。叫得牛魔王，當然有好多牛牛啦~有牛丸、牛筋片、牛腩邊、牛柏葉同牛坑腩....湯底好清澈，但好多牛味，河粉口感軟又掛湯。【美國安格斯生牛肉湯粉】生牛肉湯粉係越南pho必食既，牛肉雖然切得簿，但牛味濃郁，加上其他醬汁一齊享用，味道更濃郁，而且有少少辣味。【XO醬蝦頭抽抄通菜】惹味既XO醬加上蝦頭抽，鹹鮮辣有齊，加上通菜既爽口，真係食到停唔到口。【蝶豆花青檸梳打】蝶豆花加青檸做成漸層效果，未飲睇到甘靚既效果，已經好賞心悅目啦! 味道酸酸甜甜，好開胃。【蝶豆花蜂蜜檸檬茶】蜂蜜係另上架，想飲幾甜就自己加，唔甜就唔加就可以。茶底清清地唔苦，可以解油用膩。