The Night Market (ELEMENTS圓方) (已結業)

O係圓方睇完戲，揀左呢間台灣菜試下，野食選擇好多，要左一份三杯雞，魯肉飯，菜脯煎蛋同紅油抄手。

紅油抄手少少辣，皮好薄，餡多，做得唔錯。

而菜脯煎蛋就幾抵食，好大份，蛋餅好厚身，煎得金黃色，入面仲keep到濕潤，有菜脯o係入面爽爽地，幾好味。

而三杯雞就用石鍋上，個汁一入口有dd麻，之後味道就甜甜地，用黎送飯都唔錯。

最後既魯肉飯飯粒分明，魯肉半肥瘦，不過就細碗左d.

飲品方面幾中意呢杯雙圓冬瓜茶，入而加左細細粒既芋圓，比加珍珠有新鮮感。