七福神和食亭

營業中

休息中

去了佐敦既七福神食日本野，乾淨坐得幾闊落又舒服，menu勁多選擇！帆立貝刺身六切，幾新鮮，唔會雪到死實實！質感綿綿細嫩，幾厚切！油甘魚刺身四切，油香豐富，好有彈性夠鮮味！蟹子沙律細份已經咁大份！非常滿足又抵食， 沙律爽身清香，好開胃呀。網燒牛扒，這個水準非常高！用刀切開已feel到非常嫩淋，未食都知好食！果然無失望，真係好嫩滑，牛味幾香，再配上特製醬汁更加吸引。海膽海鮮黃金炒飯，配料非常豐富，超多餡！海膽碎，魷魚，蟹柳，菌菇等，炒到粒粒分明！食出層次豐富既感覺！更有三文魚籽粒既鮮香，將整個炒飯帶到更高層次，絕無挎張而且幾有鑊氣，炒飯唔油膩！好手勢！順帶一提係上菜時間非常爽手又快！值得加分。