辣度餐廳 (已結業)

聽閒有間舖，夜晚做火鍋，中午做扒餐，仲要兩邊都好掂，梗有意思當然要試！午餐餐牌長期不變，價錢就當然會，以扒餐嚟講價錢合理，有得選本身係炒意粉同配炒意粉，又兩樣都即炒，差過幾蚊真係有人會選H,I?跟餐飲品要加錢有D奇怪。水果南瓜湯，份量合理，顏色自然，唔係用湯寶，真係用南瓜煮成，每囗都有南瓜蓉，加上細碎水果粒，濃郁中帶點清甜，及爽口。海鹽牛扒，最多推介抵食款，唔係一大塊，切好三塊，薄切，表面清晰烤紋，中間帶紅，筋比較多，刀又不是扒刀，操作上難免發出怪聲，好在唔只係我，受不了直接叉起咬算，入囗即感到海鹽味，無需加帶鹹味醬汁，軟熟，但欠牛味，而且切走筋位後肉所餘無幾，有D失望，見有熟客食豬應該好D。平時扒餐都係叫薯菜，見佢係即炒意粉選佢果然無錯，意粉軟硬適中，無油味，係香料嘅味道，完全成為主體。付款時給了一張印仔紙，十次午餐送一次，不限時，但紙質應該幫佢限咗。調味做到西餐風格，比好多扒房都好，但貨源同餐具都有待改善，扒本來夠霖，但筋太多，完全感受唔到。餐具舊了係時候換，把刀根本唔係切，係強行磨開！碟都不是一兩個缺口了，加上對面商場有間專做扒，份量更多，就算各有缺點，都唔梗明顯。