更多
2019-01-17
534 瀏覽
最犀利的肚，都有生病的一日。猴子這幾天都有點腸胃炎跡象，個胃「乸住乸住」。多得麥當當這兩星期搞甚麼特價優惠，脆雞加汽水、火腿芝士包 X 2都只係十蚊。貪心的猴子明明食飽，但一到十一時仍忍不住衝去麥當當買特價包，結果搞到食滯兼肚瀉。正想今日早些回家休息，頭號損友又突然話要今晚食飯……被損友及老細脅持到添好運點心專門店，心諗，肚痛唔食得多，但埋單找數又要share，咁咪好唔抵！？不過世事無絕對，當第一碟點心韮黃鮮蝦腸送上之後，事情有了180度轉變。這鮮蝦腸的腸粉皮的確極之嫩滑，豉油純粹吊出大蝦鮮味，唔似一般茶樓咁以咸味來「遮瑕」。其實唔單止腸粉，其他如蝦餃、燒賣、粉果等等，都係皮滑餡靚，以材料鮮味掛帥，令人食指大動。講到呢度，你或者會問：「乜猴子你唔係腸胃炎肚痛咩！？」真係講都冇人信，由食完條粉腸一刻開始，猴子個胃已經冇咁痛，而且越食越開胃！唔通呢間餐廳的點心可以醫腸胃炎？猴子唔敢咁講，因為冇科學根據，又或者只係巧合。除了例牌的蝦餃燒賣，我們還點了古法糯米雞、酥皮焗叉燒包、蒜茸蝦春卷、香脆韮菜角、紅油抄手、鳳爪排骨飯等等，全部都係水準之作，滿足感爆燈。醫完肚之後，埋單約三百，三個人食本應位
被損友及老細脅持到添好運點心專門店，心諗，肚痛唔食得多，但埋單找數又要share，咁咪好唔抵！？不過世事無絕對，當第一碟點心韮黃鮮蝦腸送上之後，事情有了180度轉變。
韮黃鮮蝦腸
$27
51 瀏覽
0 讚好
0 留言
這鮮蝦腸的腸粉皮的確極之嫩滑，豉油純粹吊出大蝦鮮味，唔似一般茶樓咁以咸味來「遮瑕」。其實唔單止腸粉，其他如蝦餃、燒賣、粉果等等，都係皮滑餡靚，以材料鮮味掛帥，令人食指大動。
晶瑩鮮蝦餃
$28
41 瀏覽
0 讚好
0 留言
潮州蒸粉果
$15
57 瀏覽
0 讚好
0 留言
講到呢度，你或者會問：「乜猴子你唔係腸胃炎肚痛咩！？」真係講都冇人信，由食完條粉腸一刻開始，猴子個胃已經冇咁痛，而且越食越開胃！唔通呢間餐廳的點心可以醫腸胃炎？猴子唔敢咁講，因為冇科學根據，又或者只係巧合。
除了例牌的蝦餃燒賣，我們還點了古法糯米雞、酥皮焗叉燒包、蒜茸蝦春卷、香脆韮菜角、紅油抄手、鳳爪排骨飯等等，全部都係水準之作，滿足感爆燈。
酥皮焗叉燒包
$21
46 瀏覽
0 讚好
0 留言
香脆韮菜角
$22
46 瀏覽
0 讚好
0 留言
蒜茸蝦春卷
$28
56 瀏覽
0 讚好
0 留言
紅油抄手
$25
60 瀏覽
1 讚好
0 留言
醫完肚之後，埋單約三百，三個人食本應位位一百，殊不損友忽然大發慈悲話佢請客。唉！早知叫多幾碟！
題外話/補充資料：
雖然店員笑容欠奉，不過工作效率高。
(以上食評乃用戶個人意見 , 並不代表OpenRice之觀點。)
張貼
