鋿晶館

營業中

休息中

喱間餐廳真喺一次過滿足哂你幾個願望夜晚想飲茶食點心，無問題啦，呢度啲點心係即叫即做，即叫即蒸大大份。蝦多士真喺超級大碟，估唔到喱到份量都幾大。叫咗蝦餃同蟹鉗都喺超級大大粒，特別推薦個澎湖蜂蜜蒸黑糖糕，好煙煙韌韌軟軟熟熟，又唔會特別甜。叫完點心上嚟啲小菜絕對冇問題，叫左隻乳鴿試一試，味道都不錯。椒鹽鮮魷，豉汁豆卜蒸鱔片，欖角醬燒骨，燒骨同鱔片真係好吊味好適合用嚟送飯，真喺要叫多碗飯先得，冇諗過原來碗白飯都係即刻蒸嘅真係好有心。聽到個店完話呢度個老細係日本東京富麗華返黎，之後去過好多間米芝蓮嗰啲做完主管，再出黎自己做生意既，唔怪之得啲嘢食咁有水準。去到最後真係唔想搵糖水舖呢一度有齊曬雙皮奶同埋焦糖燉蛋，真係一間餐廳可以食到同類嘅嘢。其實見到佢仲有啲啫啫煲同埋烤魚不過真係實在太飽喇下次有機會再嚟試一試。