竹島水產 西日放題 (已結業)

今日同屋企人慶祝生日，所以搵咗間放題食。去左位於新成路嘅竹島水產西日放題。餐廳入邊有甜品吧，有好多款甜品俾大家任拎任食，超抵呀。每枱都有一個鍋，因為餐廳可以任點火鍋配料，包括有青口、大蜆、鮑魚、生蠔同埋海蝦。樣樣海鮮嘅嘅size都好大，亦都好新鮮，味道亦都唔腥。刺身質素高水準，特別係三文魚脂肪結實，肉質肥嫩，口感鮮甜順滑。仲有啲壽司一啲都唔馬虎，款款都大大嚿。我哋仲點左一啲冷盤，例如: 芝麻八爪魚同埋味付螺肉。芝麻八爪魚搭配香濃的芝麻醬，味付螺肉配上特製味付醬汁，無論口感還是味道都是一流。炸物方面，我就特別推介榴槤炸彈同埋香芋丸。炸皮唔厚，口感唔會好油膩。不得不提天婦羅都係即炸嘅架，熱辣辣，好脆囗。作為蜆迷，一定要點清酒煮蜆，餐廳用嘅清酒特別香，特別吸引最後我哋每人都食咗一杯哈根大師，超級滿足。值得一讚嘅係佢嘅上菜速度神速，比起一般日本放題餐廳快。員工嘅服務態度亦都好有禮貌，下次如果要慶祝生日，竹島亦都係一個好選擇。