39
3
3
港鐵上水站 D1 出口, 步行約7分鐘 繼續閱讀
電話號碼
60635906
營業時間
今日營業
11:30 - 15:00
17:00 - 23:30
星期一至日
11:30 - 15:00
17:00 - 23:30
付款方式
現金 支付寶
其他資料
當面支付
食評 (51)
有海鮮盤既放題 焦點食評
等級4 2018-03-23
4529 瀏覽
由於未婚夫家住上水,有時都會去上水搵食架其實一個南一個北,加上中意係九龍行街,真係可以食勻全港唔同既食肆諗唔到食乜時,最好就係食放題,因為有刺身。壽司。炸物。火鍋。小食。甜品等等,好多選擇。食放題第1樣一定食刺身先,因為由凍食到熱好d。刺身拼盤只係睇賣相已經夠哂吸引,三文魚既肥美,象拔蚌既爽脆,希靈魚既魚子“咔嚓”聲,再加上甜蝦既鮮甜,簡直會不斷encore。仲有壽司,整成一口一件,方便櫻桃小咀既我去食,而且個胃仲可以放其他食物帶子壽司鮮味濃郁,軟殼蟹卷既蟹身仍然脆身炸物真係唔錯蕃薯天婦羅炸到表面脆卜卜,而且蕃薯岩岩熟,最重要唔多油膩既感覺芝士年糕本身比較吸油,脆脆既年糕外層加上濃厚芝士,好味但有少少漏。火鍋係清甜既木魚湯底。只要2位成人去食就會送一盤海鮮拼盤,廣島蠔鮮甜蠔味濃厚,鮑魚新鮮彈口,蟹身一啲都唔會霉,仲仍然有一梳梳既蟹肉。先焯海鮮,令個湯底增添鮮甜味。有多款配料選擇,上至肉類海鮮,下至蔬菜菇菌都一應俱全牛肉唔係一般放題既肥肥牛肉,而係半肥瘦,輕輕焯一陣,就已經夠熟,而且一啲都唔un,太喜歡食牛最後當然要食甜品啦~甜品係要自己出去拎,雖然有雪糕,但當天太凍,所以無食到。而且隔離個甜品櫃都超吸引所以我都揀左3款品嚐阿華田布丁,朱古力蛋糕,意大利芝士餅,全部都唔會好甜,岩岩好,食完唔會有太大罪惡感店內會不是增添不同甜品,係我品嚐緊以上3款時,我就見到製作完成既焦糖燉蛋推出,但我已經飽飽嚕,所以無拎到。*飲品同甜品一樣都要自己出去拎,除左汽水涼茶,仲有一樽樽梅酒都係任飲架 繼續閱讀
(以上食評乃用戶個人意見 , 並不代表OpenRice之觀點。)
$148抵食放題!!!! 焦點食評
等級4 2018-02-17
4926 瀏覽
  一早就知道喺屋企附近開左咗間日本餐廳,但係唔知道係放題黎嘅,今晚特登叫姐姐唔好煮飯,一齊落去試新野!我地5:45入座,7:00前離座$148另收加一,都幾底!我哋因為好早就入去所都未係好多人,侍應先送上一盤湯底用作火鍋,湯底係龍蝦湯,顏色係橙色的,滾左之後味道香噴噴,龍蝦味飄晒出黎!之後店員仲送上海鮮盤,海鮮盤上有魚柳、蠔、海蝦、仲有令人驚喜既蟹仔!真係冇諗過打邊爐居然有蟹食,蟹已經一早切開一半,經過大約二十分鐘,蟹殼已經變軟左,唔使鉗都可以開到,蟹肉鮮甜,蟹膏都好多!有新鮮生蠔都係諗唔到的!生蠔只有兩隻,唔夠喉呢!但每隻都是肥大的,漲卜卜。其實火鍋配料也不錯,我比較中諗豚肉片,薄切又有豬味,餃子就是小心一d,因為帶有少少辣,其實我覺得,因為有龍蝦湯,有咩配料都好味:)刺身黎啦!我地都唔算叫左好多,三文魚肥美甘香,筋同肉位都清晰可見,蝦有兩款,虎蝦和赤蝦,赤蝦其實是甜蝦,甜味夠,相反蝦味不重,所以我特別揀左虎蝦,感覺有點像泰式生蝦d蝦,味道雖然不夠甜,但虎蝦較爽口,味道不錯!特色壽司呢度都唔小,即叫即整,我地專攻火焰方面,火焰海膽醬玻璃蝦幾好,本身火焰玻璃蝦我已經收貨,創新地加埋海膽醬,味道真係唔一樣!帶有一點點腥味同咸味。火焰香蒜帶子都不錯,帶子肥美厚肉,估唔到加左蒜又幾夾喎!卷物當然要嗌花之戀啦,呢度既花之戀唔錯呀,卷得好實好貼!之後想特別介紹下飲品,雖則有大大個飲品櫃,但我既視線已經去左梅酒度,估唔到遠在上水既放題餐廳居然有梅酒飲,梅酒好香酒味,先飲幾啖會覺得有少許嗆喉,但再飲就會回味無窮!$148真係好抵,以後唔煮飯之選!店員有禮貌上菜又快!Encore List add one!   繼續閱讀
(以上食評乃用戶個人意見 , 並不代表OpenRice之觀點。)
上水食晏 焦點食評
等級4 2018-02-03
3749 瀏覽
有女友住粉嶺經常投訴我們只有她長期出尖沙咀就我地我也同意有幾何入粉嶺食好野車錢都用晒quota 啦⋯⋯😵今日 入上水經過會計師友好介紹又睇晒開飯相關食記先至起程🤑女人以一個二人套午餐以及她的面子午任用梅酒引發小妹事實本人很十二分中意引誘咁老老實實開飯90%好評的店本人心中有數以我一個專業日本式食客對其醬油碟已經很like 因為有兩格專業吃日本料理魚生的醬油一定不能溝芥末是分開辦的竹島不愧上水奇葩👏⋯⋯還有餃子經過二十分鐘仍熱暖洋洋真正想不到😀少量辣最重要熱至於本人為什麼失禮一早取大量甜點呢?一方面我 一向不太怕醜二來經過凍櫃只剩一個奶凍唯有懶有禮咁讓給其他師奶因為我們飲清酒是高級客作作狀都好說到這套餐的沙拉平日奄尖要強的我吃完面一層蟹柳仍然讚因為作為一上海食客他們用大量生黃瓜條不知所以青瓜一直是少菜多肉的我也永遠至愛對著成碗青瓜絲不熟的以為在下梗會嫌棄那可以告訴妳本人會吃掉所有生黃瓜而生黃瓜凍冰冰點解我又中意?愛是永不用say sorry 😐 Sorry "Love means Never have to say sorry "這裡差不多滿座氣氛溫馨唯一大吃大喝不須氣氛扶助的本人都感覺到那麼好友善親切的氛圍😊😋😂今天在上水街上熱鬧非凡人情緒卻討厭竹島餐館也較人多倒高興趣盎然!女友提醒:晚上做放題,日間順便給客人任取即磨咖啡蛋糕付竹糖水、湯等結果幾幫助生意的咁話🙇‍♀️👌 繼續閱讀
(以上食評乃用戶個人意見 , 並不代表OpenRice之觀點。)
估唔到都幾高質 焦點食評
等級4 2018-02-02
463 瀏覽
因為喺上水郊遊踏青,順便喺度食埋晚飯先走,雖然近地鐵站真係超級多人,好似全部都係藥房冇乜嘢好食,但其實行10零分鐘去到另一邊已經有好多食店。放題達人去到世界各地都要食放題,呢一間新開嘅貌似都幾多人,星期六晚都可以walk in, 而且入面裝修有別於一般嘅日式放題,反而有少少去咗Cafe嘅感覺。就咁樣睇點餐紙得六張 款式都唔算話好多但係好特別嘅係 可以打埋邊爐啊!!啱晒咁凍嘅天氣呀 呢一個係龍蝦湯底除咗紙上面嘅普通配料之外二人同行仲會送海鮮拼盤 以為係廢廢的估唔到係咁豐富 有四款海鮮整體來講都幾新鮮 特別係帶子好鮮甜 完全係一來就啖啖肉 勁滿足第二round就揀係食埋生嘅刺身啦來得好齊 冇甩漏 甜蝦同生蝦都好好食赤貝同埋北寄貝都好出色 全部都係我鍾意食嘅刺身~又係一堆我鍾意食嘅小食好頹但係好好味燒物都不錯 推薦台灣腸食返啲飽肚嘅食物—壽司基本嘅款式都有齊但係就冇創作壽司款式唔算好新穎 味道都還可以卷物 食食吓發覺啲飯有啲硬 有少少似生米所以我個人都唔係太推薦壽司另外基本嘅火鍋料 牛肉同豬肉食落都唔錯燒蠔值得一讚有兩款口味可以揀一個蒜蓉味 一個係黃金醬味道好特別 一定要試吓最後都係嗌咗啲海鮮食 呢一餐係狂食海鮮最後埋單都係二百零蚊 我個人覺得都幾抵食因為佢可以同時打邊爐又食到日式食物住附近嘅都可以嚟一試~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-14
3008 瀏覽
住喺新界區嘅我,成日發掘新界區美食!😏😏今日中午就同媽咪經過上水,見到呢間新開嘅日式放題餐廳,雖然放題夜晚先有,但我同媽咪都忍唔住試吓佢哋嘅午市套餐!😉入到餐廳,環境都算幾大,基本上全部都卡位坐椅,坐得幾舒服。👍好,睇睇個餐牌,午市都有好多選擇,刺身壽司熟食拉麵日式小食都有,由於呢幾日天氣太寒冷☃️⛄️❄️,所以我哋放棄刺身壽司,叫咗熟食,包括了:日式鰻魚炒飯套餐$68🦈🦈🍚🍚一上枱香噴噴嘅炒飯好吸睛,鰻魚都算大大粒,睇相啦⋯⋯套餐仲要包咗飲品,飲品竟然係喺晚市放題嘅飲品雪櫃裏邊任選擇自取,飲品包羅萬有,都你有誠意。日式叉燒烏冬套餐$48🍜🍜叉燒有三大件,烏冬係手打烏冬,套餐中包左兩件壽司,一樣係飲品自取。蒜香牛柳粒$58🐮🐂🐂呢個估唔到份量好多⋯⋯牛柳粒都算有牛肉,呢個真係估唔到,大份到兩個人都食唔晒🙈🙈🤣🤣總結:上水區日式放題餐廳比較少選擇,而家個返一兩間,可以唔使咁悶了,呢間都算抵食夾大件,午市就要唔冼加一服務費,下次會試吓佢哋嘅晚市放題後再報告!🤤🤤🤗🤗 繼續閱讀
(以上食評乃用戶個人意見 , 並不代表OpenRice之觀點。)