古今二 (荃灣千色匯I) (已結業)

今日同男朋友經過見到好多人，又走去等下，香港人最鍾意排隊，我地主要叫左特式壽司：龍捲風沙律個個都叫，所以又試下，好多菜，好多蟹柳，仲有蟹子，中華沙律，食落都好蟹配搭，沙律菜好新鮮爽脆金龍卷係兩隻炸蝦份量，上面有三文魚，芝士，上面個醬唔無普通沙律醬，明顯溝左野，食落有芝士味，甜甜酸酸仲好脆口，層次好豐富秋葵蝦肉天婦羅 呢個秋葵脹卜卜，因為入面釀左蝦膠，外脆內款，熱辣辣，好味，略嫌個蝦膠淡左啲，再多略調味更好富士山 & 辣妹兩個都好重量級呀，富士山就係鰻魚，牛油果，蟹柳同脆脆，個鰻魚俾其他野搶晒，要食到最尾先食到，真係好滿足。辣妹就係芝士，炸蝦，辣味吞拿魚，我最愛既吞那魚，一入口好香吞那魚，軟熟既吞那魚配上脆蝦同埋醬汁，每啖都好多重口感。呢度最大特式係啲卷物口感同味道好豐富，唔會淨係食到一樣野，而係會食到前中後三種層次口感同味道，都幾特別！