火五越式牛肉粉專門店 (華生樓) (已結業)

落住雨的星期六，條街好靜無乜人，是日出街目的係去太子某凍肉店度補給，順便食啲野先返去。到了附近的火五試試，天氣冷店內都幾涼，揀左張房仔位嘅枱坐，哈哈，私隱十足仲好暖添，快快落單食啲野暖下先。朋友叫左火車頭牛肉湯檬，有牛丸，牛肉，札肉等，幾爽口喎。湯頭鮮甜，檬粉吸了牛味好正，份量都幾大碗添。自己叫左呢個越式花膠老火雞湯油香飯，湯頭好重雞味，鮮味十足，仲好重胡椒同香葉味，就咁飲已經好正。油香飯本身已經好香，我覺得唔需要撈湯食，食左大半先撈成湯飯咁食，又有另一種風味，哈哈。仲有一份小食意大利黑醋汁蒜蓉牛油雞翼，即叫即製熱辣辣，雞翼係大size黎，一碟有五隻。雞翼勁香蒜味同牛油味，上面加左啲黑醋酸酸地正好去油膩感，香香的好好味。最後仲有飲品，叫左白桃紅茶同熱菜蜜，估唔到個白桃茶好似台式飲品嘅包裝呢，茶底幾香，仲有甜甜嘅白桃果肉粒，好飲。朋友嘅菜蜜都好香甜，熱飲正好暖暖身子。食左咁多野都唔使兩百蚊，抵食吖。