吉壽日本料理 (已結業)

Re u聚會都會揀呢度，食慣左呢間，因為有自己特色。吸引之處：1. 餐廳夠大又舒服，兩個人都可以坐卡位，食放題張檯要夠大先食得舒服。2. 刺身有好多選擇。相比其他間高級放題，呢度刺身算係最多。有珍珠貝柱，櫻花魷魚呢啲比較罕有既刺身。刺身拼盤雖然無乾冰啲煙同花款，但新鮮程度係一樣。全部海鮮好新鮮。3. 鰻魚芝士卷整得精緻。鰻魚甜味同芝士既鹹味混合，味道好相襯。每次放題都會叫黎食。4. 可以任食燒牛舌。牛舌雖然薄切，但整得好有水份，又無腥味。食多又唔會濟，因為有檸檬汁，好開胃。5. 佢有既，其他放題少有既，就係比目魚。比目魚雖然多骨，但魚肉幼滑，濃味又有口感。6. 鐵板牛柳粒又整得好滑。牛柳香蒜味，同日本食既味道一樣。多汁爽口，叫左兩客都唔夠。7. 前面仲有小食吧檯。可以自己攞野食。食左咁多野都仍然要攞海蜇同炸雞。海蜇整得好彈牙味道又香麻油味。炸雞多水份，食多都唔厭。幫襯左一排都keep住有幫襯係有原因。性價比高。