Burgeroom (美麗華廣場1期) (已結業)

同女朋友去尖沙咀行街，系美麗華商場行行吓發現原來新開左間Burgeroom系度！試新野一向係我嘅興趣，一於同女朋友入去試吓呢間新分店嘅水準佢哋嘅環境裝修得比原店更加有特色，系香港好少見到咁既風格，單單食環境都抵！餐牌、食物種類、飲品都同原店差唔多，都係揀完食咩，自己去cashier比錢，依樣都算係佢哋嘅特色之一。 Burgeroom的相片 - 尖沙咀叫左杯Ice peach fruit tea，有淡淡的桃香味，甜甜地、清清地，飲落幾舒服之後叫左個帶子沙律，一份主要有四隻大嘅帶子，佢哋嘅帶子冇特別落調味料去煮，仍然保存住帶子原有嘅鮮甜味，咬落仲好有質感!!!沙律其他嘅蔬菜都好新鮮，見唔到有枯或者黃。叫左份蜜糖燒烤雞翼，雞翼外脆內juicy!!!配搭佢哋淋上嘅醬汁好開胃！叫咗個蘑菇雞漢堡，一黎到就見到有好大塊雞佢哋嘅蘑菇非常香，蘑菇又大又唔會燒到乾晒，雞扒大塊而且幾嫩滑，本身都已經有味，配合埋其他配料一齊食，味道非常豐富總括而言，分店同原店差唔多，不過分店而家暫時唔需要排隊，真係要快啲去食多次。