影片
更多
2019-02-14
267 瀏覽
最近係屯門發現咗呢間放題，好多朋友都食過話唔錯，同埋好多款酒飲！啱晒酒鬼😜星期一至四同星期五六日嘅價錢都只你相差$10，唔同時段收費都有唔同，今次我食7pm，成人每人$248。一入去就有大大個飲品櫃，飲品有超多款，除咗汽水，韓國飲品，仲有支裝同紙包飲品👍🏻酒方面有日本果汁酒、清酒、梅酒、韓國啤酒、仲有Hoegaarden同埋自己斟嘅Hoegaarden Rosee!!!叫野食用iPad好方便，而且又環保，慳返啲紙～刺身夠新鮮，三文魚幾厚身，甜蝦大隻又爽口唔會太腍，帶子好鮮甜😋壽司手卷都好多款，而且嚿飯好細，唔怕快飽哈哈。串燒同燒物都有好多款選擇，仲有我最鍾意嘅蝦，不過味道唔係好濃～雞軟骨好大粒，夠咬口！炸物即叫即炸，放題最鍾意食芝麻雞翼🙈呢到仲有"B仔雞翼尖"，蒜味好香，不過就唔會太辣，平時唔食辣嘅朋友都可以食到！蜆加埋個海帶湯，趁熱食好好味，同埋無砂👍🏻鐵板燒牛柳粒，肉質好嫩同埋腍，同埋洋蔥一齊炒好入味。甜品方面仲有好多款雪糕雪條，選擇困難症嘅我最後都係揀咗Dreyer's!揀甜品嘅時候先見到原來有Salad Bar，不過好飽，所以下次嚟先再食啦haha!咁多選擇，所以晚市咁多人都係
星期一至四同星期五六日嘅價錢都只你相差$10，唔同時段收費都有唔同，今次我食7pm，成人每人$248。
一入去就有大大個飲品櫃，飲品有超多款，除咗汽水，韓國飲品，仲有支裝同紙包飲品👍🏻
酒方面有日本果汁酒、清酒、梅酒、韓國啤酒、仲有Hoegaarden同埋自己斟嘅Hoegaarden Rosee!!!
叫野食用iPad好方便，而且又環保，慳返啲紙～
刺身夠新鮮，三文魚幾厚身，甜蝦大隻又爽口唔會太腍，帶子好鮮甜😋
壽司手卷都好多款，而且嚿飯好細，唔怕快飽哈哈。
串燒同燒物都有好多款選擇，仲有我最鍾意嘅蝦，不過味道唔係好濃～
雞軟骨好大粒，夠咬口！
炸物即叫即炸，放題最鍾意食芝麻雞翼🙈
呢到仲有"B仔雞翼尖"，蒜味好香，不過就唔會太辣，平時唔食辣嘅朋友都可以食到！
蜆加埋個海帶湯，趁熱食好好味，同埋無砂👍🏻
鐵板燒牛柳粒，肉質好嫩同埋腍，同埋洋蔥一齊炒好入味。
甜品方面仲有好多款雪糕雪條，選擇困難症嘅我最後都係揀咗Dreyer's!
揀甜品嘅時候先見到原來有Salad Bar，不過好飽，所以下次嚟先再食啦haha!
咁多選擇，所以晚市咁多人都係有原因嘅😎
張貼
