曾三仙米綫 (花園街)

營業中

休息中

每次放學都會揾下附近有咩餐廳適合自己一個人去食，最近發現新開左一間【曾三仙米綫】，一間大陸非常出名既連鎖米綫餐廳。餐廳主打川渝風味既米線，有6款口味湯底和26款配料，本身想食牛油火鍋味，但店員話好辣，所以我都係穩陣叫左番茄湯。餐廳有自助區，可以自己攞葱、酸蘿蔔同芫荽，好似我呢D一定要走芫荽就岩曬，可以唔使攞、又唔會唔記得叫走芫荽。番茄湯米綫配蝦滑、小酥肉：用一個非常特別既鍋上，夠曬保溫。番茄湯唔會太酸、味道濃郁清甜。米綫好特別、係比較幼身既，所以好挂湯。蝦滑分量好多、好彈牙，小酥肉個人覺得放入湯入面個炸皮軟曬無乾既好食，不過味道不錯、有花椒味。另外仲有海帶同木耳、增加唔同口感。油條糍粑：店員介紹應該係香港暫時唯一食到既地方，本身以爲係鹹食、但原來係甜。油條炸得非常香脆、裏面糍粑軟軟糯糯、另外加左黑芝麻糖粉、又唔會太甜，好特別。茉莉百香果茶：百香果調味既綠茶再加椰果同食用茉莉花，雖然無分甜度，但都唔會太甜，非常清爽。