京笹居酒屋 (已搬遷) 新店位置

亞士厘道不嬲都好多嘢食，今日嚟到呢一間日本餐廳，平時日日都好多人排隊，今日好彩咁啱有枱，等左都冇5分鐘就有得入，一於試吓點解佢咁受歡迎。依間餐廳原來係日本人開嘅，staff有部份都係日本人，不過佢哋都聽得明廣東話，所以叫野食係冇問題。佢平時有一張固定既lunch set menu，另外一張係每日都唔同嘅定食，不過今日就試咗set menu上面嘅嘢食。我叫咗個牛肉壽喜燒，份量都幾多，又配左麵豉湯、飯、同埋一隻生蛋。隻蛋係撈落去個鍋度嘅，鍋入面嘅蔬菜同牛肉都好多，不過味道就偏鹹，食多幾啖就覺得越嚟越鹹。不過$72都幾抵，尖沙咀來講都食得過嘅。