阿久根和牛拉麵屋

營業中

休息中

餐廳設計簡約日系，座位寬敞，播著輕快嘅音樂，適合兩個人悠閒食飯。慢煮安格斯牛小排沾麵，香濃海老湯牛小排慢煮至軟腍，肉味濃郁，油花分佈平均。麵條彈牙，掛湯效果不錯，香濃海老湯加上櫻花蝦令鮮味提升，味道較濃厚，完全冇味精，鹹香帶少少甜味，食完拉麵之後可以加上清湯飲埋最後一啖湯。慢煮牛舌芯拉麵，柚子白味噌雞湯牛舌芯厚切夠份量，質感軟嫩中帶咬口。拉麵配上柚子白味噌雞湯，湯底清香鮮甜，味噌鹹香中帶柚子清新，飲落冇負擔。麵質同沾麵的不一樣，比較幼身，食落有層次感。雞軟骨餃子餃子外皮煎得微脆，餡料夾雜雞軟骨粒粒口感。咬落多汁不膩，外脆內彈牙，作為配菜幾特別，適合同拉麵一齊食。