Pizza Maru (荃新天地)

營業中

休息中

一講起食韓國嘢，就係泡菜同啲乜煲物煲。今日就同朋友去咗一間食炸雞、Pizza嘅韓國嘢。呢度啲Pizza好特別，唔係傳統菠蘿腸仔pizza, 好多特別嘅選擇，全部都想試吓！而且炸雞都有好多不同嘅口味，唔鍾意食炸雞嘅朋友呢度都有好多唔同嘅炸物選擇。我哋就叫咗蜜糖忌廉炸薯條🍟，味道有啲似食緊蜜糖炸番薯，甜甜地好岩小朋友食👧🏻👧🏻最後嗌左個肉食五行批！批如其名，真係有五行，五個不同嘅口味，份量又多又抵食！當中香辣雞肉同韓式燒牛肉味道比較出眾，當佢仲係熱辣辣嘅時候，薄餅下面嘅芝士溶溶地真係好好味😋呢度有好多好colorful嘅嘢飲，仲有韓國傳統既Makgeolli,但我本身同朋友都唔飲酒，所以我叫左mango passion tea,唔太甜清清地，中和返Pizza同薯條嘅油膩感。整體嚟講，有好多選擇，新鮮感足夠，有別於一般韓國菜。