蛇王芬

營業中

休息中

蛇王芬開咗去閣麟街都好多年，作為中環做嘢嘅人，居然咁多年都冇嚟呢度食過嘢。今日趁仲係天氣凍凍地，就過咗嚟食個蛇羹。星期日呢度都有一人套餐，有糯米飯加蛇羹一碗，盛惠$178。呢度嘅蛇羹非常多料，好多配料，啖啖都唔止湯嘅。面頭嘅薄脆好大塊，一開始都用咗啲時間食晒佢先至可以開始食蛇羹。至於糯米飯，店主介紹呢個係蒸嘅，另外仲有炒糯米飯，不過我覺得蒸嘅都已經足夠特別，整體來講都幾飽肚。另外，呢度成個餐牌有好多港式菜式嘅選擇，基本上就係大家由細食到大嘅碟頭飯，價錢來講就比較進取，下次有機會一定要試吓。大家諗得出嘅碟頭飯呢度都有！另外呢度開始發展年輕人市場，推出左一啲健康飲品，原來沙田嘅四季芬芳都係呢度嘅，下次有機會去埋嗰邊食吓。