億饍 (已結業)

朋友升職請食飯，佢提議出去旺角食，係人都知旺角嘅食肆特別多，但係我朋友都算係呢度嘅熟客，所以就有佢哋發板，位置唔算難搵，位於彌敦道，但係唔係食開嘅熟客都應該唔會知道呢度有間禾旱琴珍珠嘅越南食店。店內環境開陽，有古代中國嘅文化設計，好彩朋友一早訂咗位，如果唔係睇嚟都仲要等位。一坐低已經好肚餓啦，那那林要咗個火車頭先，喺香港想搵到正宗嘅火車頭都真係唔係咁容易，但係食得越南菜又點少得佢呢，河粉嘅份量好大，飲咗一口湯，好鮮味，完全唔覺得咸，因為食過有啲河粉個湯會好濃郁，但係呢個唔會完全覺得佢係冇味精，充滿牛肉嘅鮮甜味，仲滲住羅勒嘅味道。牛肉丸爽口彈牙，成粒乒乓波咁大。生牛肉好香濃嘅牛肉香氣，牛展爽口彈牙，連牛柏葉都覺得好有口感。柚子鮮蝦沙律，蝦嘅份量好多，而且入口爽口彈牙，完全唔會有雪藏味，柚子清甜解渴，作為餐前嘅小食一流。軟殼蟹牛油果米紙卷，真係必食推介，班額軟滑嘅咪只包住清爽嘅生菜，香滑嘅牛油果，仲有新鮮炸起香口嘅軟殼蟹，口感充滿層次，令人食唔停口。