尚八日式燒肉店 (已結業)

同媽咪去旺角食燒肉, 前食過雅蘭商場嘅宮x燒肉真係嚇鬼死人所以都燒肉放題冇乜期望, 但係今次食過依家感覺就真係好唔同呀! 開𨋢門嘅時候見到呢度嘅裝修都幾靚, 同埋勁新淨冇油煙味! 佢嘅獨立房間都幾靚. 我哋未點嘢食之前有侍應端上刺身拼盤裏面有三文魚, 吞拿魚, 劍魚腩, 帶子,甜蝦, 最驚喜嘅係有海膽刺身, 樣樣都很鮮甜, 絕不欺場! 之後又端上一盤雜錦燒肉, 裏面除咗有牛肉之外, 仲有虎蝦同牛油廣島蠔. 而且侍應幫我哋調教個火調教得剛剛好, 唔會太大火燒燶嘢, 啲嘢食又容易熟. 隨後又送上日式和牛,不過可能太興奮,同埋燒嘅時候撈亂咗,都唔係好食得出個分別呀~哈哈! 羊扒十分大件而且沒有騷味, 肉身帶點肥, 響燒嘅時候, 油份隨隨掉下來, 所以食落唔覺得肥膩, 而且有一大件, 很夠分量呢. 媽媽喜歡食牛脷, 呢度有四款牛你嘅款式可以選擇, 岩鹽燒牛脷, 蔥燒牛脷, 法式芥末子牛脷, 岩鹽厚燒牛脷, 牛脷夠薄所以好容易就會燒得香, 而厚燒的有煙韌感好有咬口. 食燒肉有菠蘿食幫助消化, 外面燒得很香口裏面夠juicy, 甜甜地唔會好酸~ 整體上都食得好開心