蕃廚 (已結業)

深水埗買完game碟就順路去西九食個午飯。西九8樓美食廣場係我最鐘意去嘅food court，一來價錢親民，又多特色小食。今次就試咗呢間蕃廚。主要賣啲比較西式嘅食物，例如熱狗，意粉，意式小食等。今次試咗熱狗同蝦多士。呢到即叫即整所以都要啲時間等。唔趕時間嘅我又點會介意，最緊要係食物上枱熱辣辣。波隆納肉醬熱狗 （$38）份量都幾大，料好足， 裡面放咗好多塊蕃茄片。咬落啖啖肉醬，味道重，夠惹味。辣茄醬蝦多士 （$30）蝦多士有四大塊，炸到脆一脆。勁多芝麻舖係面。裡面有層薄薄嘅蝦肉，真係食到有蝦味。不過個辣醬就略為遜色。茄味唔濃淡淡的，辣辣的。我比較鐘意唔加醬食。