校長燒肉日韓料理 (沙咀道) (已結業)

今晚約左個朋友，兩個大胃王就想去食個放題食到飽。平時都見荃灣校長燒肉日韓料理排晒隊，就即刻過去試一試。 入到去，入面的種類真的超級多，有韓燒料理，日本刺身，炸物，熟食，點心...真係超多選擇，好適合我呢啲大胃王去食。 一開始先食韓燒，食材超多，紅酒西冷，黑椒牛扒,雞扒，五花肉...眼花繚亂，但肚量有限，各款淺嘗下先，味道都不錯。 等緊期間，去左拿日本刺身食，每次只可點3款，每款3片，但刺身非常厚身，厚切三文魚刺身，好滿足。 再試下熟食方面，食左碗最愛小食碗仔翅，咖啡魚蛋同燒賣，熱騰騰的小食，開開胃。 食到飽，最後最緊要要講講甜品方面，有好多布丁，啫喱，蛋糕...飲品仲有Hoegarden 和 嘉士伯啤酒，岩晒幾個朋友韓燒時啤一啤。性價比真係無得輸。