影片
更多
2020-11-13
55 瀏覽
好耐冇去過佐敦啦，今日去開尖沙咀，傍晚時間就行落去佐敦搵野食！見到大大個招牌寫住七福神，行近少少睇吓Menu，原來係食日本菜嘅，岩哂我口味😋😋😋餐廳位於一樓要行一層樓梯，入到去見到已經接近坐滿食客了，不過好好彩等一陣都已經有位。我哋兩個人叫咗好多嘢食，因為樣樣都想試吓，所以每樣嘅份量都唔係叫咗好多。打頭陣嘅有蟹子沙律（細），細碟已經好夠食啦，唔知道（大）只係相差大約$10會多幾多呢！呢份沙律好清新好開胃～接住落嚟有呢一份鐵板燒牛柳粒，上枱時真係熱辣辣，中間有一大球薯蓉，配上脆卜卜嘅蒜片，正！下一樣邪惡嘅食物就係燒魷魚鬚，好香口好惹味：跟住點左一份芝士玉子燒，切出嚟見到芝士一絲絲掛上，呢個畫面好治癒呢！另外仲點左一隻焗蠔，伴碟賣相都好有心思！壽司刺身方面，我哋點左一份三文魚刺身同埋一份帶子刺身，原本想要三文魚腩刺身，但因為太好賣所以已經售罄啦！而壽司就點左三文魚腩壽司，終於可以食到三文魚腩啦！仲有火炙蟹柳壽司，仲有金目鯛壽司🍣！另外，喺餐牌見唔到嘅精選，仲有呢一個火炙和牛壽司，和牛都算好嫩喎！食到呢度，其實已經好飽啦，但都要點一客甜品為今晚晚餐畫上圓滿嘅句號！我哋就點左楓糖蕨餅，份量唔少
餐廳位於一樓要行一層樓梯，入到去見到已經接近坐滿食客了，不過好好彩等一陣都已經有位。
我哋兩個人叫咗好多嘢食，因為樣樣都想試吓，所以每樣嘅份量都唔係叫咗好多。打頭陣嘅有蟹子沙律（細），細碟已經好夠食啦，唔知道（大）只係相差大約$10會多幾多呢！呢份沙律好清新好開胃～
接住落嚟有呢一份鐵板燒牛柳粒，上枱時真係熱辣辣，中間有一大球薯蓉，配上脆卜卜嘅蒜片，正！
下一樣邪惡嘅食物就係燒魷魚鬚，好香口好惹味：
跟住點左一份芝士玉子燒，切出嚟見到芝士一絲絲掛上，呢個畫面好治癒呢！
另外仲點左一隻焗蠔，伴碟賣相都好有心思！
壽司刺身方面，我哋點左一份三文魚刺身同埋一份帶子刺身，原本想要三文魚腩刺身，但因為太好賣所以已經售罄啦！
而壽司就點左三文魚腩壽司，終於可以食到三文魚腩啦！仲有火炙蟹柳壽司，仲有金目鯛壽司🍣！
另外，喺餐牌見唔到嘅精選，仲有呢一個火炙和牛壽司，和牛都算好嫩喎！
食到呢度，其實已經好飽啦，但都要點一客甜品為今晚晚餐畫上圓滿嘅句號！我哋就點左楓糖蕨餅，份量唔少，仲好有日本風味㗎！
張貼
