影片
更多
2019-08-22
621 瀏覽
香港最近興起一股冰室熱潮，店舖開完一間又一間。早前友人邀約一聚，就選了紅磡這間「1仔冰室」。聽朋友講，餐廳除了有一系列茶記小食，如菠蘿包、西多士等供應之外，菜單內還有不少小菜，種類非常多元化，加上價錢合理，所以開業不久，已經吸引了不少回頭客返來幫襯。餐廳位於紅磡必嘉街紅磡灣中心地下，門面光鮮整潔，用上 tiffany blue 為主，色調柔和，令人感覺清新舒服。至於店內裝潢亦甚具特色，同樣以湖水藍色為主調，牆上的壁畫寫滿了餐廳的招牌美食，既簡潔又搶眼，讓人一目了然。入座後，先拿起餐牌逐一細看，食物款式甚多，有是日精選晚餐、廚師推介、中式飯類、特色炒粉麵、招牌炒飯系列、西式飯或意粉類、濃湯系列、香濃咖喱系列、家常小菜、肉餅系列、懷舊籠仔荷葉蒸飯、冰室美食、飲品、特飲及啤酒等。和朋友商議後，點了幾份是日晚餐同一客廚師推介嘅清蒸紅鮋。每款小菜都會奉送白飯，例湯或熱飲，如果想轉燉湯就要另加 $20，轉凍飲加 $3，特飲加 $7。我哋將例湯轉左做燉湯，是日燉湯為花旗參燉鷄 (+$20)，湯品用料十分豐盛，有雞件、豬肉、淮山、杞子、圓肉、蜜棗等，湯面清澈沒有油光，湯水鮮甜可口，隱隱透出花旗參的味道
香港最近興起一股冰室熱潮，店舖開完一間又一間。早前友人邀約一聚，就選了紅磡這間「1仔冰室」。聽朋友講，餐廳除了有一系列茶記小食，如菠蘿包、西多士等供應之外，菜單內還有不少小菜，種類非常多元化，加上價錢合理，所以開業不久，已經吸引了不少回頭客返來幫襯。
餐廳位於紅磡必嘉街紅磡灣中心地下，門面光鮮整潔，用上 tiffany blue 為主，色調柔和，令人感覺清新舒服。至於店內裝潢亦甚具特色，同樣以湖水藍色為主調，牆上的壁畫寫滿了餐廳的招牌美食，既簡潔又搶眼，讓人一目了然。
入座後，先拿起餐牌逐一細看，食物款式甚多，有是日精選晚餐、廚師推介、中式飯類、特色炒粉麵、招牌炒飯系列、西式飯或意粉類、濃湯系列、香濃咖喱系列、家常小菜、肉餅系列、懷舊籠仔荷葉蒸飯、冰室美食、飲品、特飲及啤酒等。和朋友商議後，點了幾份是日晚餐同一客廚師推介嘅清蒸紅鮋。每款小菜都會奉送白飯，例湯或熱飲，如果想轉燉湯就要另加 $20，轉凍飲加 $3，特飲加 $7。
我哋將例湯轉左做燉湯，是日燉湯為花旗參燉鷄 (+$20)，湯品用料十分豐盛，有雞件、豬肉、淮山、杞子、圓肉、蜜棗等，湯面清澈沒有油光，湯水鮮甜可口，隱隱透出花旗參的味道，入口暖笠笠，甘而不苦。
菠蘿京都豬扒 ($74)，帶骨的豬扒雖然略有厚度，但亦煮得很腍，肉質鬆軟 juicy，配洋蔥和菠蘿一起吃，酸甜入味又醒胃。
蒜香蔥油鷄 ($92/半隻)，雞肉可以揀沙薑、上湯菜膽或蔥油處理，而這晚我哋就揀左蔥油。雖然話係半隻，但原來分量亦不少，雞皮油亮金黃，雞肉嫩滑有彈性，入口雞味濃郁，而且每啖都散發出誘人的蔥油香味，用來佐飯一流。
粟米香菇煎肉餅 ($76)，肉餅一客有 6 件，煎至色澤微焦，入口又香又脆，啖啖肉，最喜歡就係入面加左粟米同菇粒，食落爽口彈牙，非常滋味。
清蒸紅鮋 ($96) 紅鮋以原條上桌，賣相吸引。趁熱馬上一嚐，魚肉僅熟，鮮甜細滑，魚味也重，蒸魚的時間拿揑得十分準繩，愛魚人必吃。
跟餐飲品點了我至愛的紅豆冰 (+$7)，而友人就揀左薑煲檸樂 (+$4)，紅豆冰味道不錯，紅豆足料又大大粒，入口甜度適中，配白滑的花奶，倍添滋味。至於友人點的薑煲檸樂，單看賣相已知很足料，據說味道亦不俗，薑味十足，辣勁有餘，而且酸度剛好與甜味中和，有質素！聽說店裡的蝦多士同金磚四角都做得唔錯，不過這晚實在太飽了，唯有留待下次再來品嚐。
張貼
