金鶴拉麵 (和富道) (已結業)

今日試咗金鶴拉麵喺北角和富道嘅分店，但係今日叫咗外賣返屋企慢慢食。因為外賣自取有優惠，真係抵好多！主食方面，我叫咗個醬油拉麵（$70），面同埋湯係分開咗裝，個湯返到屋企仲係熱嘅所以可以即刻食到。啲面仍然好彈牙而且入面有雞肉片同埋豚肉，份量多好多。👍另外仲叫咗個豚肉飯，個豚肉飯有啲似台式滷肉飯。個醬汁甜甜地好好送飯，正！ 除咗拉麵之外，呢度嘅小食亦都做得唔錯。呢個炸雞啱啱新鮮炸起就即放落袋度返到屋企仍然係熱辣辣。配埋拉麵同埋啤酒一齊食一流！煎餃子一盒有四個，水準不錯唔會整到乾晒，啲肉好香同埋juicy。記得上次食嗰啲雞肉都幾好食，所以今次我額外再叫多左幾塊雞肉。雞肉肉質十分嫩滑，一啲都唔會柴！就算係外賣拎返屋企食都一樣咁得。