亞蘇爾 (新城市廣場) (已結業)

到咗Weekend，最享受就係瞓到下午先起身，加上社會肺炎疫情反反覆覆，我哋決定去商場買下午茶外賣返嚟屋企食。之前都有食過葡國菜餐廳-亞蘇爾，位於尖沙咀及元朗同樣有分店，今次去得沙田區餐廳門口開陽，而且入面嘅裝修擺設空間闊落，更附設有卡位同埋四人枱，環境簡約舒適，見到門口櫥櫃擺放嘅葡撻，即刻忍唔住買返兩個食。新鮮熱辣辣出爐嘅葡撻賣相非常吸引，葡撻表面有一層焦糖燒香的味道，咬一啖落去酥皮外皮香脆可口，雞蛋味道濃郁新鮮，葡撻來說算是好好食。重點係全日外賣自取全單八五折，套餐仲有七五折優惠添，真係好抵食，所以再order左一些套餐、小食及甜品。當中的松露芝士豬扒包好有份量，廚師好細心地一開二，並配上一些蔬菜及醬汁，食落去豬扒包脆卜卜，入面嘅豬扒肉質鮮嫩，一啖已經有幾重口感。跟餐仲有是日餐湯-酸酸辣辣的羅宋湯及餐飲🤗。小食墨墨魚餅大大件，真係咬到入面有一粒粒墨魚㗎！最後叫了甜品🍮經典木糠布甸為呢一餐豐富嘅外賣葡國菜畫上句號。