東寶小館 (已搬遷) 新店位置

而家喺疫情下好多酒店都做緊staycation優惠，咁啱住附近嘅新酒店就趁機會試吓呢間久仰大名嘅東寶小廚，晚市冇得堂食就唯有外賣自取返酒店房食。叫左三樣野：椒鹽鮮魷 南乳炸豬手 敗家仔炒飯送咗兩罐啤酒仲有例湯椒鹽鮮魷 好香脆爽口 好岩送酒食 鮮魷食得出肉質係新鮮南乳炸豬手份量都多 兩個人都食唔晒 而佢個南乳汁係分開用膠袋載着 唔會浸淋啲豬手好有𡁻口仲配埋一包橙紅色五香粉夠惹味 敗家仔炒飯真係夠晒敗家 用鮮蝦帶子乾瑤柱去炒 而且每粒飯都粒粒分明 簡直係酒店嘅水平 值得一試一試難忘