千の味刺身壽司專門店 (海福花園商場) (已結業)

疫情下最好就係買外賣返屋企食。五點前有午餐，五點後就轉為晚餐。午餐有丼飯及壽司唔同選擇揀咗兩個壽司餐午餐：壽司餐(10件）$ 93仲送烏龍茶或可樂。壽司餐包括三文魚2件、油甘魚、白身魚、赤蝦、吞拿魚、蟹子、熟蝦、玉子同埋鰻魚。赤蝦大大隻，爽口鮮甜。吞拿魚肥美。每件味道都唔錯。一人一盒夠晒數。另外再散叫咗幾款壽司餐裏面冇嘅款式。我鍾意食帶子壽司鮮味十足。左口魚壽司嘅魚油好滋味。北寄貝壽司都幾好。吞拿魚蓉軍艦嘅吞拿魚蓉非常之飽滿，相當抵食！呢度外賣壽司叫完基本上5至10分鐘就有非常快手！