上車車仔麵 (已結業)

今日傍晚到石門辦點事，離開之前專登上網搜尋小店買個外賣晚飯支持下，但攞到返屋企超失望。原本開開心心各自揀咗兩碗5餸豐富車仔麵，共$121，攞咗外賣離開舖頭前我仲望清外賣袋貼住嘅單係正確先至離開。望到個袋滿滿有幾個盒，仲心諗小店好細心將湯跟麵分開袋，而因為疫情關係我無响門口打開盒點清楚。點知返到屋企一睇就完全兩回事，外賣用兩層膠袋裝住，外面嘅袋貼住單號277，但裡面嘅袋側邊竟然攝咗張單號275。本來超有期望嘅兩個5餸車仔麵，變成一盒只得4件蝦餅飯跟油菜(個飯亦好乾好硬)，和一碗蘿蔔豬皮豬紅(3餸)油麵嘅車仔麵，共$105。嬲到我即刻打電話去店舖投訴，就算可以攞去換我不去再開車過隧道為咗換個外賣或取回差額。今晚結果食得好清淡。我肯花時間寫呢篇評語係想俾feedback希望間店有改善，下次處理外賣時要小心。我會繼續支持良心食肆，但希望食肆不會令客人食得唔愉快。