投鮮食 (已結業)

在旺角返工，路經這間新開的外賣店，眼見鋪面光猛乾淨，再望下單張，見到價錢合理，服務員又落力推介，決定試吓買返公司食。我們兩人叫了雙重和牛飯，鰻魚飯，再另外叫了三樣小食，包括燒鰻魚，原隻吉列炸帶子及蟹肉忌廉薯餅。日本蒲燒鰻魚飯($56)鰻魚非常大條肥美，飯粒上有蟹籽雙重和牛飯（$53）牛柳粒咬落去好淋，分量亦十足另外三款小食，每款價錢大概$30新鮮炸起，熱騰騰，特別是蟹肉忌廉薯餅，咬落去的時候，忌廉汁從中間流出來。原隻帶子亦非常香脆可口。