M3 Italian (已結業)

入到餐廳格局都幾似高級西餐廳！ 餐前麵包，細細個，但一啲都唔係hea你，微熱，軟熟，仲好香，配埋黑醋欖油更美味！帶子沙律，帶子煎封左，香脆又夠水份！望到隻溫泉蛋都覺吸引！新鮮既沙律菜食落好greasy！配埋醬汁，太夾啦！ 巴馬火腿薄餅，看似簡單！但食落有驚喜！配合我好好，心想，芝士加埋巴馬火腿咪好咸！但一啲都唔會，配埋菜食，岩岩好！無咁溜！香橙鴨胸，表面煎到香脆，保留水份，再配埋醬汁，太夾啦！唔會覺得太油，食落唔會太溜！香橙發揮左好大作用！值得一食！ 紅菜頭意大利飯，外表唔吸引！但食落有驚喜！第一次食紅菜頭，濃濃既奶油味，加上芝士，咁既配合我又可以接受喎，個汁收得岩岩好仲有紅菜頭乾，食落有啲脆卜卜！大讚呀！ 配埋呢個開心果梳乎尼！簡直大滿足呀！梳乎尼食得多，配開心果反而第一次！值得食！