Oldish (已結業)

今次係第二次去到上環呢間餐廳，餐廳比較似美式嘅復古風格，我諗老細本身都幾鍾意呢樣嘢，入邊有好多復古嘅擺設雜誌，加上個人好喜歡木嘅風格，所以整體環境的確加了好多分。餐廳門口亦確實係一個打卡嘅好地方，但亦係可能因為正正佢嘅外表吸引好多人慕名前來，二餐廳入邊嘅設計中間有一張長方形嘅大枱，側邊有兩張細枱，之後就係我坐近門口窗台嘅呢一個位。 環境上唔太適合自己一個，或者兩三個知己傾偈嘅一個好地方。環境細嘈雜，位置選擇少。食物方面，暫時未令我覺得失望嘅，上次我試咗嘅係冬陰功意粉，咁今次呢就試吓佢好出名嘅all day breakfast，份量都真係幾多，但如果有得唔要番茄選擇其他咁就會更加好啦！！ 咖啡方面，如果你係嚟餐廳真係為咗飲杯咖啡坐低嘅話呢，咖啡方面呢就稍為失色。 餐廳喺觀塘都開始左分店，我諗我得閒都會去再試下睇吓有冇分別。