金田家

捱咗幾星期canteen，又儲夠彈藥慰勞味蕾～今次趁開會前嘅小空檔去黃埔食碗拉麵。

拉麵店價位都差唔多，所以每間都有自己特色，先可以突圍而出。金田家分店唔多，舖頭都幾細，只有吧枱同二人枱，但空間用得唔錯。

譬如枱嘅櫃位可以放袋，同日本舖頭一樣貼心。

今次揀咗比較特別嘅柚子辛口拉麵。

九州拉麵沿用豚骨湯、直身麵，芽菜比較多。呢度麵可以揀軟至極硬，聽聞係九州拉麵店嘅一貫做法。我揀咗軟，食落冇話特別稔，不過就幾掛到湯。

直身極細麵顏色比較白，麵粉為主 因為表面面積大吸附湯汁能力較強，對麵條本身嘅味道自然冇咁看重

個人都係比較鐘情曲麵嘅蛋香，但呢啲係地方特色，要尊重返。

湯底未撈辣醬已經有微酸。

呢度豬骨湯偏啡，飲落有豬肉香，味道好濃。

拉麵專用匙

撈好辣醬湯底變成橙紅，辣辣地，聞落好似擔擔麵。

作為辛口拉麵相當不錯，但柚子元素未發揮得夠

$98

柚子香味淡淡地，要慢慢食出嚟，柚子部分唔算發揮得超好。

豬肩肉切成薄片，醃得入味。

豬肩肉

冇諗到薄薄一片都食得出油脂香，唔錯。

金田家小食種類唔多。我就叫咗拉麵店比較少見嘅男爵薯餅，亦即係可樂餅。

牛肉薯餅+紫薯甘栗薯餅 又甜又軟糯，必食！

$38

男爵薯比較軟身，製成薯餅口感綿密。

一客就有牛肉薯餅同紫薯甘栗兩隻口味，幾啱獨食嘅我。炸皮麵包糠好薄好碎，炸起嚟鬆脆輕盈。

大粒甘栗

紫薯比較甜，入面仲有大粒栗子，食得好滿足。大推呢款小食呀！！！

黃生蛋嚟啱啱好凝固咗，我個人認為最好食嘅溏心蛋就係咁嘅質地，而唔係流心

$14

追加嘅溏心蛋亦冇令我失望。醃得相當入味，蛋黃香濃、軟糯，蛋白熟透而滑溜。

追加木耳

$7

食得少菜，所以追加埋木耳。

poly學生仲有折添，而咩時段去價錢都一樣，只係座位較少，lunch hour就要行快步喇。