*此餐廳收取全單10%服務費。
晚市套餐二人餐（單點$673），龍蝦馬賽魚鍋，半隻活龍蝦肉質爽彈，味道鮮甜；花甲食落好新鮮；茴香酒燒大蝦肉質爽口，飯落帶有酒香；盲鰽魚肉質厚嫩，配以海鮮番茄醬汁食用，魚肉鮮味更加突出，配菜包括有薯粒。
煎鴨肝、油封鴨腿意粉（跟餐$30），鴨肝肉質肥美，食落油脂味濃，用叉子輕輕一篤，已經有好多油份分泌出嚟，雖然油封鴨腿係碎上，但肉質嫩滑，食落啖啖肉，鴨香味重，意粉食落帶有鴨油香味，不過略嫌過於油膩。
法式點心拼盤（跟餐$35），炸辣蟹肉球，表面鋪有香辣醬汁，味道微辣，口感酥脆，內有蟹肉；煙三文魚，肉質嫩滑，食落帶有煙燻香味；迷你蛋批，內有油浸番茄乾，食落蛋香味濃；香草芝士撻，Cream Cheese口感幼滑，味道濃郁；雅枝竹蘸醬，口感稠身，配以苦苣食用，味道清新。
2碗餐湯（跟餐$0），甘筍忌廉湯，口感Creamy，味道清甜。
2客餐包（跟餐$0），Mini Ciabatta Breads口感外香脆內軟硬適中，配以海鹽牛油食用，食落好香口。
法式蘋果撻（跟餐$0），椰子雪糕口感幼滑，味道濃郁，內有椰子肉碎，法式蘋果撻表面鋪滿蘋果粒、蘋果片，食落充滿玉桂粉味道，撻皮口感薄脆。
Frozen Tropicolada Mocktail（單點$65），採用菠蘿果乾、有枝紅車厘子、菠蘿、香蕉、椰奶製作，口感濃稠，飲落好清爽。
Hot Matcha Apple Zest（單點$65），採用抹茶、青蘋果汁、檸檬汁、蜜糖製作，抹茶茶味濃香，飲落帶有回甘味道，整體味道酸甜，配以蓮花牌焦糖餅乾。
