影片
更多
2010-07-17
398 瀏覽
貴網的資深會員, 美食焚化爐大叔, 每年的生辰壽宴, 必定大排宴席. 今年, 搞手於六國酒店為他安排了三圍美食, 30多人一齊慶祝. 真的有如老人家擺壽酒一般. 有麻雀耍樂, 有上台拍照, 有大盆壽包, 當然, 不少得美食美酒, 共同舉杯賀壽的歡樂時刻.此乃食評, 題外說話少說. 還是由前菜開始說起吧. 前菜有六款, 美名為六福喜臨門. 醋溜青瓜卷, 同冰鎮涼瓜, 是為兩道開胃小吃. 醋溜青瓜卷, 考功夫把一薄片青瓜卷成一筒而不斷開, 不過那個加了醋香的青瓜片, 令我感到味道酸而怪, 始終拍青瓜是比較喜歡的食法. 然而冰鎮涼瓜, 大熱天時, 食涼瓜最好, 因為其本身的涼性, 可助消暑. 而且只是用冰鎮, 沒有多加雜味, 原味的涼瓜, 甘味中帶點苦, 食落口留甘香, 非常之好.葷食的, 有滷水牛脷, 海蜇鴨舌同相傳是粵軒名物的蜜汁叉燒. 滷水牛脷, 一片片不帶汁的牛脷, 不試不說, 真的不知是經滷水滷過, 上碟時, 乾乾味美的一片片, 咬落充滿滷水汁既味道. 果真不錯. 海蜇鴨舌, 鴨舌, 是去骨的鴨舌, 所費的功夫不少啊. 咬落爽爽脆脆的鴨舌, 同樣爽爽韌韌的海蜇, 廣東式既涼盤前菜,
此乃食評, 題外說話少說. 還是由前菜開始說起吧. 前菜有六款, 美名為六福喜臨門. 醋溜青瓜卷, 同冰鎮涼瓜, 是為兩道開胃小吃. 醋溜青瓜卷, 考功夫把一薄片青瓜卷成一筒而不斷開, 不過那個加了醋香的青瓜片, 令我感到味道酸而怪, 始終拍青瓜是比較喜歡的食法. 然而冰鎮涼瓜, 大熱天時, 食涼瓜最好, 因為其本身的涼性, 可助消暑. 而且只是用冰鎮, 沒有多加雜味, 原味的涼瓜, 甘味中帶點苦, 食落口留甘香, 非常之好.
葷食的, 有滷水牛脷, 海蜇鴨舌同相傳是粵軒名物的蜜汁叉燒. 滷水牛脷, 一片片不帶汁的牛脷, 不試不說, 真的不知是經滷水滷過, 上碟時, 乾乾味美的一片片, 咬落充滿滷水汁既味道. 果真不錯. 海蜇鴨舌, 鴨舌, 是去骨的鴨舌, 所費的功夫不少啊. 咬落爽爽脆脆的鴨舌, 同樣爽爽韌韌的海蜇, 廣東式既涼盤前菜,再加上燒味, 就是一流. 不過叉燒是另外一碟上, 兩個前菜各自各好味, 又何須一碟過呢. 蜜糖味非常之皇既叉燒, 一上檯, 真的是手快有手慢冇.
德龍的名菜金錢雞叫做試過下, 那之因工作關係大遲到, 朋友留給我的一塊已經凍哂, 食不出其真味. 呢次在別的地方, 能夠嘗到這一道古早味既菜式, 算是償還了一個心願吧. 上面一塊極腍的梅頭肉, 中間一塊雞肝, 下面一塊肥豬肉, 再用兩片"皮"夾著來食. 聽落, 雞肝、肥豬肉, 是一些極不健康既食物, 通常美味的東西, 大多是不健康, 膽固醇萬歲嘛, 不要怕. 夾起一食, 絲毫肥膩的感覺也沒有, 而且, 呢次感覺, 呢一道菜一定要熱食, 凍左之後, 質地有變, 就失了真味啦.
主菜, 首先來的, 叫做窩貼大明蝦, 正確來說, 是蝦多士. 食開蝦多士, 通常是用蝦膠打出, 呢個蝦多士, 有蝦膠之餘, 又有一隻足秤既大蝦, 是一種雙重享受. 蝦膠為了一般蝦多士的彈牙口感, 原隻蝦就用來增添食物的鮮味.
子牛蜜語, 不是在Menu中看到, 一定會以為是什麼新日劇!! 牛仔肉, 加上鮮百合去炒, 肉味濃得黎又帶點百合既香甜. 用來點綴的薯蓉, 充滿薯香同牛油味. 平凡的一倨炒牛仔肉都可以弄到食得又睇德, 果然是功夫十足.
砵油焗桶蠔, 未看Menu前, 完全不知這是什麼樣的一個菜. 夾起一咬. 原來是蠔!! 外層經炸過, 再焗. 咬落去外脆, 完全把蠔既汁鎖死在蠔肉內. 非常之鮮美.
湯, 叫八寶碧玉盅, 簡單一說, 就是冬瓜盅. 什麼八寶我就不知了, 只知道湯味非常清甜. 味道就由火腿帶出. 清新咸香, 用了冬瓜做材, 有消暑既感覺. 而粵菜出名的其中一樣, 就是湯水. 食粵菜, 有碗靚湯飲, 勝過一切.
美極干燒野菌蕃薯苗, 說是用美極去干燒野菌, 果然野菌充滿美極牌醬油的鮮味. 而且此鮮味一向是美極獨有. 一食就食得出. 蕃薯苗夠嫩, 現時飲酒宴, 有一碟綠色既食物, 比地大魚大肉咁食, 更加開心.
荷香玉樹麒麟班, 就是一塊雲腿, 一塊斑執夾在一起. 咸同淡味道交夾. 紅肉同白肉兩味交替. 咸甜清香味道齊全. 最重要當然是連茨汁也打得靚.
鳳舞花飛, 是雞一隻, 再加上彩椒的色彩做配襯, 咁就叫做鳳舞花飛...有點夾硬黎. 雞, 是燒雞. 不過搞到好似用油浸咁. 吃一舊, 不嫩, 仲成口油. 十多年前叫美味, 現在就叫不健康.
蟹肉鄭伊健.........即是蟹肉燴伊麵啦. 味道淡了少少. 圖中看不到蟹肉, 但其實蟹肉在底, 先讓兩者的汁互相吸收. 麵的蠔汁香, 蟹肉的肉味也香.
酒席也到了尾聲了, 經理親自捧來三大籠壽包. 爐兄拿起充滿壽包的蒸籠, 開心滿足的樣子, 頓時閃光燈四起. 呢張相, 相信會成為明年爐兄生日event的event photo. 包仔不多評了, 總之以一句好食收筆. 在此, 祝爐兄年年有今日, 歲歲有今朝.
PS. 呢個地庫VIP ROOM, 令我記憶猶新, 因為去年婚嫁展時, 就被一家展年係六國擺攤位既台灣婚照公司傳銷成功......結果.........不過輯相的確影得非常靚既.
張貼
