96
14
2
港鐵灣仔站 A1 出口, 步行約5分鐘
繼續閱讀
電話號碼
28663806
開飯介紹
供應巧手粵菜、精美點心及小食
繼續閱讀
獎項殊榮
美食之最大賞 (2014)
營業時間
今日營業
10:00 - 15:00
18:00 - 23:00
星期一至日
10:00 - 15:00
18:00 - 23:00
公眾假期
10:00 - 15:00
18:00 - 23:00
以上資料只供參考, 請與餐廳確認詳情
招牌菜
食家推介
相關文章
食評 (138)
情人節去邊度慶祝， 食西餐人多兼貴價， 食中餐又好似唔係好應節，見到六國酒店中餐廳推出暗然銷魂餐，又好似 幾應景喎 ，於是就決定過一個暗然銷魂嘅情人節。🤗😘😊 個幾星期前就訂好位 ，情人節就同honey拍拖嚟銷魂，🤤🤪 黯然銷魂餐＄ 388一位加一服務費， 有沙律 ，梅菜蒸班腩 ，螺頭松茸燉雪雁， 亮點當然係黯然銷魂叉燒飯 ，個賣相又真係幾特別， 有兩嚿光鮮亮麗， 肥瘦參半， 油光甜蜜嘅厚叉燒 ，一隻鮮橙色嘅荷包蛋， 兩條翠綠嘅菜心 ，加上 豬油豉油撈飯， 真係好重份量。 見到都銷魂 ，😇食唔曬嗰陣時就有少少黯然 銷魂餐整體都唔錯 ，一開始就有碟酸青瓜， 爽脆好味兼開胃。 跟住就上沙律 ，新鮮沙律菜加魚籽撈意大利黑醋， 健康清新嘅頭盤。 第二個係梅菜蒸班塊， 用個籠仔上， 份量好少， 不過好好食。 第三個係螺頭松茸雪雁燉湯， 清潤好味 ，螺頭同松茸都好好食， 瘦肉同鴨肉就柴啲。😬 跟住主菜上場， 一大碗黯然銷魂叉燒飯閃亮登場， 仲有一張卡紙教你點食 ，好有儀式感。🤣🤣 叉燒香蜜鬆軟， 肥瘦兼備， 分量超大， 橙色荷包蛋鮮艷奪目， 蛋漿溝埋啲飯 ，一流配搭， 米飯煮得偏硬， 唔係好夠熱 ，但係撈咗豬油蛋漿豉油就好香好好食， 仲有兩條好靚好嫩嘅菜心，大碗飯好重份量 ，食唔曬 ，🤫銷魂完就有少少黯然 ，浪費食物添。😶🌫️ 甜品就有D無厘頭， 類似桂花糕同埋有個火腿酥 ，個樣就做得好靚，但係就唔好食。 食完曬個餐好想飲啖熱茶， 叫侍應幫我哋倒咗啲舊茶沖啲滾水， 但係壺茶返到嚟都係暖暖地，佢冇倒到啲凍嘅茶照加水，咁少嘅要求都做唔到， 真係破壞咗今餐嘅完美性。 本來想評高分，但係侍應嘅馬虎令感覺大打折扣， 希望可以改善。💪💪
繼續閱讀
自從舊年吃過粵軒的「黯然銷魂飯」後，一直回味不已，可惜在不是經常供應，想吃惟有多加留意啦。早前得好食之徒報料；將於11月推出全新的黯然銷魂飯套餐，供應期由本年11月1日至明年1月12日，當即訂位為上。套餐包括醋珠沙律菜、芹香梅菜蒸龍躉球、松茸螺頭燉雪雁、黯然銷魂飯、大紅袍茶皇糕及金腿玫瑰酥。醋珠沙律菜～芳香醒胃的黑醋珠配鮮爽沙律菜，成功喚起味蕾、打開胃口。芹香梅菜蒸龍躉球～甫掀起蓋便飄起陣陣荷香，味道來自於墊底的荷葉，魚肉膠質豐滿，伴以養生的黃耳，芹菜及梅菜，更添滋味。松茸螺頭燉雪雁～眾人均對這燉盅贊賞不已，有山有水有飛鳥，為這道湯增色不少！雪雁性平味甘，有清肺止咳的作用，松茸則具抗氧化及提高免疫力的功效，再配合滋陰的螺頭，這湯不但鮮甜，尤其適合在這轉季的時刻飲用。黯然銷魂飯～採每隻豬只有兩條的新鮮脢頭肉(約8至9吋)製作而成，非常矜貴，將其反覆兩次燒烤，令外層變得更為香脆，燶邊太陽蛋來自日本廣島，蛋味香濃；將流瀉的蛋黃汁與純泰國青靈芝香米、燒豬油、澳洲紫洋蔥及醬油撈勻同吃，那一口便是銷魂！最後以大紅袍茶皇糕及金腿玫瑰酥甜品作結尾。以每位回饋價$388 (兩位起)便可享用這優質餐點，我覺得非常超值；且免收茶芥及小食(另收加一服務費)，數量有限，記得預早訂位啦！#六國酒店 #粵軒 #黯然銷魂飯 #叉燒煎蛋飯 粵軒地址: 灣仔告士打道72號六國酒店1樓電話: 28663806
繼續閱讀
提到酒店中菜不知道你會最先想起哪一間？位於灣仔六國酒店中的粵軒沒有華麗裝修，不過中菜也算聞名(?)做資料蒐集的時候也頗多好評。六國酒店雖沒有君悅、四季等的星星級數，但其實以前的名氣是能跟半島媲美，只是隨時間過去漸漸沒落。🔸蟹肉粟米羹 $78每一啖都食到一梳梳蟹肉係足料到嚇親，不過略嫌未夠杰身「唔夠羹」。🔸釀焗蟹蓋 $168招牌作之一，極度重本足料，啖啖都係滿滿蟹肉，加上蘑菇粒、洋蔥絲、焗至金黃香脆的芝士，好容易一口接一口就食曬。🔸招牌蜜汁叉燒 $228粵軒名物之一，聽聞佢個黯然銷魂飯係好賣到要預訂，叉燒都相信有差唔多水準～食落係好食，半肥瘦夠軟嫩唔柴，不過又沒有到很驚喜，而且也略嫌未夠窿邊唔夠香口。🔸瓦罉花雕玫瑰雞 $260本來想試江南百花雞不過原來要預訂⋯所以改為試下瓦罉花雕玫瑰雞。一打開煲蓋已經聞到濃濃花雕香氣，醬汁無死鹹過鹹問題，雞肉嫩滑。用瓦罉上菜可以保持溫度慢慢食都仲係熱住。🔸鮮竹銀鱈魚煲 $298銀鱈魚輕煎過後外層帶微脆，內裏魚肉依然保持嫩滑，加埋醬汁係比較重口味嘅一道菜式但好食唔抗拒。🫖茶位$28、前菜小食$28整體幾好食，算是與預期中水準差不多不過還是略有少許失望，個人認為同價位的酒店級數中菜論食物或服務環境等會有更好選擇。但不少懷舊功夫小菜也確實是粵軒獨有，很多餐廳見工序繁複利潤少已逐漸摒棄，所以還是推薦有機會可以一試的。
繼續閱讀
當提起灣仔的酒店時，多會想起香港君悅酒店和萬麗海景酒店等等，又有多少人會想到六國酒店這間歷史悠久的酒店呢？全港就只得半島酒店比它早開始營業。這家歷史悠久的六國酒店當然也有推出staycation package，而且有多項配搭選擇，這次所選的是晚餐享用「精裝佛跳牆x港式回憶懷舊菜」的package。選擇中菜是因為當年的六國飯店（今：六國酒店）是第一間設有中菜廳的酒店，而現時的中菜廳粵軒亦有其招牌黯然銷魂飯。中菜就是令六國酒店可屹立快將80年的緣由嗎？酒店大堂及酒店房的裝潢都比較舊派，而粵軒比較新淨。入座後先送上涼拌前菜及套餐包的一杯餐白酒。萵筍爽口，帶輕淡麻油香，味道不會太過濃烈，作開胃前菜都幾合適。白酒的果香帶點微酸而不會過甜，容易入口。港式回憶懷舊菜的三寶有金錢雞、翡翠金枝及上湯煎粉果，先送上金錢雞。原來金錢雞是沒有雞肉的！是將雞膶、瘦叉燒、冰肉切成圓形狀再串起來，就如一串金錢，而稱之為金錢雞。雞膶的甘香，瘦叉燒的肉甜與冰肉的油脂香，用軟熟的餅皮夾著來吃，吃起來一點也不覺油膩，只感受到三者合而為一帶來的那份滋味！招牌蜜汁叉燒，半肥瘦的叉燒被燒至微微焦香，肉質軟稔，略帶肉汁，並充滿蜜汁香！翡翠金枝，鹹蛋黃製成金沙包裹著四季豆，略嫌四季豆的青味較突出，加入了鹹蛋黃也不夠惹味。上湯煎粉果，粉果炸得金黃，入口輕薄酥脆，不算太油膩。配上湯來吃，更為減低油膩感。上湯味道清淡，不會蓋過粉果原有的香氣。這樣的組合挺有趣～～精裝佛跳牆，湯料非常豐富，有齊鮑魚、海參、花膠、瑤柱、金華火腿粒、雞件及豬肉粒，火候十足，湯的味道夠鮮甜！鮑魚仍然爽口彈牙，稍稍嫌花膠與海參較為細件。但作為用餐中段的過渡，準備吃主食之前，這佛跳牆來得恰好！釀焗鮮蟹蓋，以蟹造型的器皿盛載原個焗蟹蓋，好可愛一上桌就聞到好香的芝士味！面層的芝士焗至金黃，釀蟹蓋內的配料有洋蔥粒及雜菌，配上鹹香的芝士，一疏疏的蟹肉又充滿鮮味！釀焗蟹蓋惹味得來，吃完整個也不覺膩滯。迷你筒仔飯，飯粒分明，不會油膩，帶竹筒的清香味，不過不失。魚湯浸時蔬，蔬菜份量很少，而且魚湯味道偏鹹最後就是兩款甜品：焗蓮蓉西米布甸及薑汁千層糕，千層糕充滿薑汁味，質感較為黏糯。焗蓮蓉西米布甸反而較有驚喜！蓮蓉不會太甜太膩，甜度適中，焗西米布甸，西米不會太過漲，口感不會像漿糊般，那份濕潤度剛剛好！大致上對食物質素感到滿意，亦有幸一嚐於市面少見的懷舊菜式！對於中菜又有點新印象了～～～
繼續閱讀
朋友每次提及粵軒都大讚。疫情過後終於有機會一嘗。平日晚上，入座時環境比較清靜。見Menu上都係家用小菜配有檔次食材。行政主廚係設計菜單上都花咗不少心思。前菜係醃青瓜，配上芫茜🌿。 本人係芫荽及蔥厭者。見朋友大讚，淺嘗一次。竟然無濃烈芫荽味。酸味適可而止，一讚👍🏻厚切叉燒係粵菜其中最常見嘅菜式。上菜時擺盤無花臣，心想咁簡約嘅？ 夾上手已感覺到肉質鬆軟，放入口就完全感到醃肉味道剛好，味濃但不咸。厚度剛好。簡簡單單但花盡心思。另外馬友煎肉餅，有馬友咸香，肉餅煎得乾身而脆口，但入口卻非常juicy芝士焗蟹蓋成個蟹蓋裡面舖上舖天蓋地嘅新鮮蟹肉，只加入極少量洋蔥碎增加咬口。同坊間最唔同嘅係，只得極微薄嘅白汁同芝士碎舖面，一來唔會掩蓋蟹肉嘅鮮味，二來絕對真材實料貴得有價值👍🏻隨後嘅上湯莧菜，西湖牛肉羹，正常質量無大驚喜反而煎雪魚有啲奇怪，唔知點解我係食到鯇魚味
繼續閱讀