華小料理屋 (已結業)

壽喜燒御膳•二人前 一開始會上前菜，茶碗蒸，味噌湯，日本米飯，生雞蛋同鍋底。鍋入面超多配料：大白菜，板豆腐，鮮香菇，金菇，蒟蒻絲及茼蒿壽喜燒汁好香且味道濃郁，甜甜地，食到最尾都唔會好咸。日本黑毛和牛稀少部位油花分布均勻，近乎入口即溶。澳洲純和牛牛味濃郁，係四款牛之中最濃味。美國極黑和牛食落有甜味，幾特別。美國肉眼肉質比較其他牛厚實，不過一啲都唔鞋口。沾上生雞蛋幫熱辣辣嘅牛肉降溫，口感食落亦更滑。甜品有北海道牛奶布甸食完熱嘢有杯凍冰冰嘅牛奶布甸好滿足。布甸好滑，奶味甜味適中，食落唔會覺膩。最尾仲有餐飲附送。壽喜燒lunch黎講性價比真係好高，食物質素好，地點又方便。一入門口見到有間獨立tatami房，好有日本feel。外面卡位都非常寬敞舒適。