影片
更多
2023-01-06
42 瀏覽
令和鍋物酒場位於尖沙咀厚福街位於尖沙咀的日本居酒屋，餐廳主打特色日式料理，一入去就覺得好有氣氛，因為人客一到，就有同事打鼓歡迎。牆壁插畫同布置都好有日本氣氛。霜降和牛洋蒽沙律叫左個霜降和牛洋蒽沙律作為開胃菜，霜降和牛伴以洋蔥和車厘茄等新鮮蔬菜作沙律，霜降和牛油花分佈均勻，伴以清新的沙律作開胃菜是最佳配搭。堂煮壽喜燒（先煎後湯，A4黑毛和牛）預熱爐具後，將一舊脂肪塗勻熱煱,之後爆香紫洋蔥同京葱, 然後就可以放入A4黑毛和牛煎, 和牛肉質嫩滑, 配上日本蛋一起吃，入口即溶, 食完和牛仲可以加入壽喜燒湯底打邊爐，套餐包埋野菜豆腐盤，有豆腐、生菜、娃娃菜、金菇、冬菇、大蔥、洋蔥等, 大推呢一set壽喜燒, CP值非常高。牛肉可樂餅食日本野當然唔少得食炸物, 牛肉可樂餅炸到外脆內軟, 加埋沙律醬, 大人細路都鐘意食櫻花蝦芫荽餅鐘意食芫荽既人一定要叫呢一個, 每一啖都食到芫荽既香味, 加埋櫻花蝦點綴, 兩種食物味道出奇地夾 鮮檸檬燒酎梳打見到隔離枱有鮮檸檬燒酎梳打非常吸睛, 非常啱打卡, 所以都跟住叫左杯。一黎到見到一排鮮檸檬都”嘩”左聲, 燒酎加左梳打, 酒味唔會太重都易入口, 加埋檸檬酸味成杯
令和鍋物酒場位於尖沙咀厚福街位於尖沙咀的日本居酒屋，餐廳主打特色日式料理，一入去就覺得好有氣氛，因為人客一到，就有同事打鼓歡迎。牆壁插畫同布置都好有日本氣氛。
霜降和牛洋蒽沙律
叫左個霜降和牛洋蒽沙律作為開胃菜，霜降和牛伴以洋蔥和車厘茄等新鮮蔬菜作沙律，霜降和牛油花分佈均勻，伴以清新的沙律作開胃菜是最佳配搭。
堂煮壽喜燒（先煎後湯，A4黑毛和牛）
預熱爐具後，將一舊脂肪塗勻熱煱,之後爆香紫洋蔥同京葱, 然後就可以放入A4黑毛和牛煎, 和牛肉質嫩滑, 配上日本蛋一起吃，入口即溶, 食完和牛仲可以加入壽喜燒湯底打邊爐，套餐包埋野菜豆腐盤，有豆腐、生菜、娃娃菜、金菇、冬菇、大蔥、洋蔥等, 大推呢一set壽喜燒, CP值非常高。
牛肉可樂餅
食日本野當然唔少得食炸物, 牛肉可樂餅炸到外脆內軟, 加埋沙律醬, 大人細路都鐘意食
櫻花蝦芫荽餅
鐘意食芫荽既人一定要叫呢一個, 每一啖都食到芫荽既香味, 加埋櫻花蝦點綴, 兩種食物味道出奇地夾
鮮檸檬燒酎梳打
見到隔離枱有鮮檸檬燒酎梳打非常吸睛, 非常啱打卡, 所以都跟住叫左杯。一黎到見到一排鮮檸檬都”嘩”左聲, 燒酎加左梳打, 酒味唔會太重都易入口, 加埋檸檬酸味成杯都好fresh 唔識飲酒都可以試下。
師傅發板2人刺身(7-8)款
刺身種類有好多選擇, 決定唔到就叫師傅發板2人刺身, 刺身整體都新鮮,件件都爽口鮮甜。
張貼
