黑木亭居酒屋 (金馬倫道)

好耐冇食日本菜啦，係尖沙咀應該唔難搵既，係金馬倫道呢度應該大把野食，見到呢間黑木亭係樓上，野食都好似唔錯。好，坐低睇下有咩好食先。帶子海膽青瓜卷，帶子大粒過舊飯，仲晶凝通透，夠新鮮，海膽鮮甜，一口食晒，加埋青瓜，又清爽又好味。鐵板照燒三文魚頭，燒得好好，個魚頭都好有肉，下午仲有汁，唔會乾爭爭。虎蝦麵包蟹粥半隻，天氣涼涼地，食個蟹粥暖笠笠，個粥裡面仲有好多配料，食完再慢慢拆蟹和蝦。天婦羅茄子田樂燒，茄子被薄薄天婦羅包住，一咬落去外脆內軟，表面仲有焦糖化左既醬汁，要襯熱食。蜜桃烏龍熊茶，真係有隻可愛小熊，飲落少少蜜桃味，甜甜地，配清清地茶底。北海道士多啤梨牛乳乳酸，估唔到又幾好飲，唔酸的，士多啤梨味好香。