影片
更多
2018-09-30
90 瀏覽
FUMI位於中環蘭桂坊附近，環境舒適，地點寬敞，坐得都算舒服。我點左個All You can eat sushi Sunday dinner，係假日限定餐牌。套餐包括頭盤，串燒，天婦羅，壽司放題，湯及甜品，每位$650。前菜既壽司飯上盛滿海膽，吞拿魚蓉同三文魚籽。海膽綿滑，吞拿魚蓉魚味濃郁，三文魚籽外表晶瑩，味道鮮甜冇半點腥味。串燒包括宮崎和牛，免治雞肉棒，雞翼及蔬菜。宮崎和牛口感軟稔，但略嫌比較咸。而我最鐘意免治雞肉棒，香口惹味。雜綿天婦羅即叫即製，熱辣辣，外皮香脆。粟米仔爽口，南瓜香甜🎃，秋葵有益，而炸蝦就中規中矩，無乜特別。特上壽司🍣我地揀左吞拿魚腩，吞拿魚中腩，北海道海膽同三文魚籽各一。吞拿魚魚味香濃，肉質結實，而三文魚籽鮮甜，一咬落去就係豐富甘香既魚油。不過我最愛都係北海道海膽😽壽司放題一共有十五款，放擺一齊都幾壯觀。當中我認為金目雕最出色，其次係帶子同香蔥吞拿魚腩卷。是日廚師推介係醋鯖魚，味道帶點微酸，幾特別。食完魚生，飲返碗熱湯就最舒適。甜品係香甜既朱古力雪糕🍦
前菜既壽司飯上盛滿海膽，吞拿魚蓉同三文魚籽。海膽綿滑，吞拿魚蓉魚味濃郁，三文魚籽外表晶瑩，味道鮮甜冇半點腥味。
串燒包括宮崎和牛，免治雞肉棒，雞翼及蔬菜。宮崎和牛口感軟稔，但略嫌比較咸。而我最鐘意免治雞肉棒，香口惹味。
雜綿天婦羅即叫即製，熱辣辣，外皮香脆。粟米仔爽口，南瓜香甜🎃，秋葵有益，而炸蝦就中規中矩，無乜特別。
特上壽司🍣我地揀左吞拿魚腩，吞拿魚中腩，北海道海膽同三文魚籽各一。吞拿魚魚味香濃，肉質結實，而三文魚籽鮮甜，一咬落去就係豐富甘香既魚油。不過我最愛都係北海道海膽😽
壽司放題一共有十五款，放擺一齊都幾壯觀。
當中我認為金目雕最出色，其次係帶子同香蔥吞拿魚腩卷。是日廚師推介係醋鯖魚，味道帶點微酸，幾特別。
食完魚生，飲返碗熱湯就最舒適。
甜品係香甜既朱古力雪糕🍦
張貼
