十和田總本店

營業中

休息中

之前經過金馬倫道已經好想試下呢間日本店，聽說主打手握壽司，我超中意食壽司，今日要去尖沙咀拎野，就去試下！地方都幾大，有吧台，見到師傅整壽司！用平板電腦落單，有不同壽司餐，亦都可以散點！點咗個刺身沙律，好多唔同種類嘅刺身，三文魚好肥美，一碟沙律食到唔同刺身都幾好！小食就叫咗燒明太子雞翼，去了骨的雞翼，釀了明太子在裡邊，惹味，外脆內軟又啖啖肉，滿足！三色丼雖然是小丼，但份量都幾足，特別喜歡海膽丼，好鮮甜！馬糞海膽份量幾多！蟹膏蟹肉丼的蟹是松葉蟹，蟹膏非常鮮！蔥吞拿魚腩蓉的吞拿魚腩好軟滑！另外也點了一個壽司餐，有各款壽司！蟹子，牡丹蝦壽司，三文魚子，呑拿魚，葱呑拿魚腩小卷等等，也有我至愛海膽軍艦，全部都好新鮮，飯同醋嘅比例都剛好！壽司餐有配湯，蒸蛋，蒸蛋裏邊有白果，幾得意！壽司控好滿意！