奕 串燒料理

好幾次比百樂中心樓下嘅姐姐R我去呢間新開嘅「奕 串燒料理」，話新開張8折，今日終於上左去。咁啱呢度又轉左午市餐牌，有得食壽司🍣喇～

壽司定食+迷你丼($138)
本身前菜有沙律、前菜、味噌湯🥣。沙律好特別，係落左芝士碎，增添味道。前菜係酸酸地嘅醋漬海草。味噌湯鹹度亦剛好。

壽司🍣分別有醬油漬津魚、三文魚，仲有帶子、吞拿魚、🦐甜蝦、海膽、蔥拖羅蓉，又幾新鮮。

海膽完全唔腥。醬油漬又幾特別架，即係用豉油醃漬刺身，味道更重。帶子好厚身。

油甘魚迷你丼，🍚上面鋪滿角切油甘魚，味道豐富。

裝修又幾舒服寬敞，望到跑馬地馬場架。