沙律~ 材料有羅馬生菜，車厘茄和少少蟹籽， 配柚子汁很清新。
湯~ 麵豉湯有少許細細粒的滑豆腐和葱絲，不錯。汁燒雞扒定食$78~雞扒配沙律菜和白飯。雞扒份量頗大，厚切成條狀， 外皮燒得非常香脆，肉質嫩滑， 配上照燒汁和芝麻非常惹味。配菜是新鮮爽甜的椰菜加蛋黄醬, 好好味。壽司定食+迷你丼$138~壽司8貫加迷你蔥吞拿魚蓉三文魚籽丼飯。壽司8貫分別是 A3 鹿兒島牛， 海膽，帶子，拖羅，鰤魚，醬油拖羅，鰤魚腩和三文魚。北海道高橋海膽無添加元素， 運用電解殺菌水空運到港，口感比較水潤，綿密細緻，非常清甜。
A3鹿兒島牛~ 表面燒得焦香， 牛味濃郁， 肉質軟腍，正。
帶子~爽甜的帶子上面淋上海膽汁，真是鮮上加鮮。蔥吞拿魚蓉三文魚籽丼飯~ 吞拿魚蓉魚味濃郁，入口即溶，配鲜甜又卜卜脆的三文魚籽和葱絲非常美味。…查看更多
餐廳位於百樂中心 17 樓，沿著門外的走廊往內進，店面地方不大，設計帶點工業風，水泥牆身配以木檯櫈，裝潢樸實，簡約自然。揭開店員送上的餐牌細心研究，食物分門別類，花款極多，有小食、沙律、炸物、牛類、豚類、雞類、特式串燒、玉子燒、海鮮類、蔬菜類、單品料理，另外亦有清酒、白酒及啤酒等供應。就先由小食開始，揀了一客奕忌廉芝士 ($58)，成品混入了蟹籽、芥末醬同鯊魚骨，Cream Cheese 質感好幼滑，加上芝士的鹹香，很有層次。接著是一客炸白蝦 ($68)，小小的白蝦仔炸得非常香口，吃起來酥香鬆脆，不用剝殼，直接連蝦頭蝦殼吃，即使放涼了酥脆度亦沒有減少。豆腐沙律 ($42) 這裡嘅豆腐沙律比較特別，平時喺外面食嘅多數會伴以胡麻醬，但呢度就淋咗海膽醬。豆腐好幼滑，入口散發淡淡豆香；海膽醬味道亦不俗，甘香味鮮。食完前菜就輪到試下串燒。點了豚肉荔枝 ($26)、厚切牛舌 ($58) 各一串。燒過的豚肉油份甘香撲鼻，荔枝的清甜味令到豚肉份外鬆軟，一試難忘！牛舌真是相當厚身，肉質爽彈，蘸少許自家製嘅麵豉醬吃，十分美味！接著是日本青椒仔 ($26) 同汁燒八爪魚鬚 ($32)，青椒仔沒有像一般大青椒的草青味，質感好爽脆，很適合拿來燒烤。八爪魚鬚長度十足，入口香噴噴，肉質爽彈，最後可以食埋碟上的日本椰菜，可中和膩滯。之後係雞肉串，雞肉串有三款唔同口味，分別是芝士 ($33)、明太子 ($38) 和芥末 ($33)。三款味道都唔錯，尤其是明太子，微鹹又帶點辛辣，配上鮮嫩的雞肉，風味一流。另外呢客清酒煮蜆 ($78) 亦很值得推介，蜆隻肉爽鮮甜，清酒味道香而不帶苦澀，鮮味醉人。壓軸是燒飯糰 ($28) 同湯烏冬 ($36)，飯糰燒得很香口，食落有嚼勁。烏冬食味亦不俗，湯底清新鮮甜，和風味滿瀉，正好突出烏冬的煙韌滑溜口感。餐廳而家做緊新張優惠，憑單張可享 8 折，都幾抵食。埋單時店員話佢哋午市有定食供應，睇過餐牌，原來價錢都幾經濟， 搵日一於約埋同事嚟試下。…查看更多
今日就跟朋友嚟依間新餐廳
午市定食由$78-$148都有
仲要每款定食都有沙律、前菜、味增湯
追加小食都係二三十蚊，整體都算幾抵食喎
定食嘅三款食物一啲都唔馬虎特別係沙律
啲菜好新鮮，配埋沙律醬同蟹籽，無論係味道定口感都高水準刺身定食 $148有四款刺身
每款都有3-4片，又幾豐盛仲要款款都幾鮮甜治一治對日本嘅思念汁燒帶骨牛小排定食 $118燒得好香口感同肉味都唔錯仲有成4/5塊，份量絕對夠配晒成碗飯小店新開，有位唔知係老細定侍應嘅服務態度好好一次幾好嘅體驗決定好搵日夜晚嚟食佢嘅串燒…查看更多
吞拿魚醬油漬丼，這個丼飯賣相非常吸引，吞拿魚是塗滿醬油，所以不用再點上，吞拿魚份量都幾多，每片味道濃郁，吞拿魚面頭還有生雞蛋黃，把蛋黃撈入飯中，飯本身已有醬油，是日本人很喜歡的食法，十分惹味!前菜是酸汁海帶，味道酸酸味味，加上海帶爽口，開胃又美味!而沙律是柚子醋沙律，沙律菜沾滿醬汁，加上還有蟹籽、漬物在沙律中，中合了多款味道，十分有口感。汁燒雞扒定食，雞扒好有炭燒的味道，雞肉嫩滑，雞皮脆口。而拌碟的椰菜上有滿滿的蛋黃醬，用黎送飯十分美味!而面豉湯味道濃郁，內有海帶和滑豆腐，味道不錯!這裡的定食味道不錯，而且店員都很細心，時常幫忙加茶，有機會要來試試這裡的晚市串燒!…查看更多
