德美壽司

營業中

休息中

今日去左尖沙咀食德美壽司我地兩個人，無坐bar 檯，無得睇住師父整壽司。但一路都見bar檯好熱鬧！我地點左海膽軍艦、池魚壽司同埋帆立貝壽司。每款都有兩件。海膽軍艦係最出色！首先海膽份量好多，絕無欺場！然後啲海膽係好鮮甜，無腥味，正！池魚壽司其實都算鮮甜，只係，海膽實在太好味，相形見拙。所以應該先食池魚，最後先食海膽！而帆立貝壽司既帆立貝係非常大件同埋厚身！口感軟綿綿，好食！除此之外，我再點左一份南瓜拼蕃薯天婦羅，每款有三件。天婦羅個炸粉漿唔會太厚，有鬆脆既感覺，唔錯。另外再點左一份鍋燒烏冬。烏冬既配料種類好多，有雞肉、獅子狗、蟹柳、冬菇、金菇、娃娃菜、小棠菜等等，面頭仲有一隻生雞蛋。烏冬麵係煙煙韌韌既口感，湯底清新，加埋有好多配料，如果一個人食完都應該夠飽！