古今二 (荃灣千色匯I) (已結業)

去左荃灣,同朋友行左陣千色匯,買左少少野,見都已經五點,行過間古今二,見到佢用左矮矮既圍牆係商場劃分左個自己既空間,感覺都好容入個商場,記得早幾日食左間和氣食堂,心思思,都係想食下日本野.呢間古今二都好有心思,幫D食物改晒一D好型既名, 刺身,手卷,壽司,炸物應有盡有,又想”輕”食又想不會轉頭就肚餓.同朋友夾完,就主力食卷物為主,點左個柚想蝦你,火山,蜘蛛,椒鹽雞腎虧(2串)同明太子雞翼(2隻).柚想蝦你,呢個名好調皮,蝦, 柚,牛油果,蘋果,生菜,完整一個沙律就咁多左個靚名.所以話,食打係要講意境既,佢做到呢一點,抵讃.火山,名乎其實,連火燒既樣都照埋分享給大家,襯晒個意境,卷物打底,上面鋪左層燒過蟹柳,其妙無窮.再嘆埋免費無限任添綠茶.正.一定要一試.