影片
更多
2008-04-21
12 瀏覽
由上一篇食評至今差不多有四個月嘅時間，丟底支筆咁耐，再拿起竟然有少少陌生。呢排工作排山倒海，不過終算可以完成，過一個悠閒嘅週日。呢個週日天色雖然麻麻地，但無損我同阿K嘅興緻。買咗五點半戲票睇「一個好爸爸」，中間嘅時間都幾難打發。既然工作咁辛苦，係時候食番啲好嘢獎勵吓自己。於是我地行咗去文華食番個high tea，順便消磨一下時間。High tea 嘅由來，據阿K所講，係以前英國婦女要為家中男性準備早午餐，所以於正餐時間會好忙，食唔到正餐。一日之中只有午餐同晚餐之間嘅時間比較得閒食嘢，於是佢地約埋一齊聚會，順便食吓嘢，後來貴族中嘅婦女學咗呢樣嘢，就係今日所謂high tea，所以high tea 嘅份量唔會比正餐少，要食嘅話最好唔好食晏。食high tea，一套三層金屬架係唔少得。每一層都放咗精緻嘅糕點，有鹹有甜，各具特色。最頂一層係三文治，外面分別用煙三文魚、雞蛋、青瓜、風乾火腿包著麵包，同一般嘅三文治整法有少少分別，入口麵包嘅感覺普通(可能係麵包唔係新鮮出爐嘅緣故)，整個三文治最搶眼都係中間塊芝士！但總的來說印象並不深刻；第二層係一系列鹹點，如芝士煙肉批、雞批、奶油撻同埋一個有點龍蝦
High tea 嘅由來，據阿K所講，係以前英國婦女要為家中男性準備早午餐，所以於正餐時間會好忙，食唔到正餐。一日之中只有午餐同晚餐之間嘅時間比較得閒食嘢，於是佢地約埋一齊聚會，順便食吓嘢，後來貴族中嘅婦女學咗呢樣嘢，就係今日所謂high tea，所以high tea 嘅份量唔會比正餐少，要食嘅話最好唔好食晏。
食high tea，一套三層金屬架係唔少得。每一層都放咗精緻嘅糕點，有鹹有甜，各具特色。最頂一層係三文治，外面分別用煙三文魚、雞蛋、青瓜、風乾火腿包著麵包，同一般嘅三文治整法有少少分別，入口麵包嘅感覺普通(可能係麵包唔係新鮮出爐嘅緣故)，整個三文治最搶眼都係中間塊芝士！但總的來說印象並不深刻；第二層係一系列鹹點，如芝士煙肉批、雞批、奶油撻同埋一個有點龍蝦味嘅牛油酥(食品名稱未能深究)。鹹點應該要趁熱食先可以發揮食物本身嘅味道，可惜呢幾款端上來嘅時候已經有點微涼，大打折扣；最下一層係切餅，包括芝士餅、朱古力餅、草莓撻等。聞說文華嘅芝士蛋糕十分出名，芝士十分滑溜，食落味道並不濃烈，但慢慢會感受到一股清幽味道，與英國人一向嘅內歛、含蓄一致，使其他甜點相形見拙。
全個high tea set最精彩就當然係鎮店之寶「士干(scone)」啦。每人有提子士干及普通士干各一，並奉上牛油忌廉及草莓醬(有啲人話係玫瑰花果醬)。士干本身十分鬆軟，有淡淡嘅牛油香，依我所見其實再加忌廉或果醬會有點over，淨食最好，要加嘅話一點果醬便可。提子士干及普通士干各具特色；提子會添上啲味道上嘅變化，普通嘅牛油味較突出更香。食唔晒，打包做第二日早餐，用焗爐稍為烘一吓，感覺仍然係咁好味。
全程美中不足嘅地方有二。一是阿K嘅茶杯上有一淡淡嘅污漬，係一個十分嚴重嘅失誤；二係整理杯碟嘅地方與顧客冇適當嘅間隔如屏封，觀感上有點不雅。侍應嘅態度不錯，與外國人用英文交談頗流利，呢樣嘢响英文程度每況愈下嘅香港實在難能可貴。
是次駛費每人二百一十蚊。
張貼