影片
更多
2021-06-29
60 瀏覽
厚福街出名多野食，今次揀間多好評嘅食dinner，希望無伏😂呢間出名有個偽草地，可以打下卡，想坐最好book定啦。食物選擇唔少，主要係西式，價錢同一般cafe差唔多。因為太肚餓，叫左兩個小食、兩個主食同兩杯野飲😳🍽智利藍青口配刁草忌廉8隻 $88有得揀刁草忌廉汁或者蕃茄，我地揀左忌廉。青口擺盤排得好整齊，青口沾住忌廉汁同伴碟嘅刁草、蕃茄仔食，好豐富。但忌廉汁稍稀，如果杰身啲，會掛汁啲仲正。（第一次食刁草本人，食落無乜草青😂）🍽三色芝士焗墨西哥脆片 $88有sour cream同牛油果醬！加焗到半融嘅芝士，無敵嘅組合。醬料比得大方，好夠用。男朋友食到無停手。🍽鮮蝦汁蟹肉蘆筍意粉 $168好想問！點解咁濃蝦味？第一啖食，蝦汁味濃到好似食緊蝦沾麵✨值得一食！平時出面好少見呢款口味，蟹肉份量足夠，意粉唔過稔。必點🚩🍽黑松露牛肝菌野菌意大利飯 $158超重菇菌味，🍄fans們可以出動。一入口好香黑松露味，飯中有好多菇，菇嘅口感好有咬口，我幾鐘意。意大利飯硬度可接受，米芯保留少少硬，又唔會硬到生米咁。下次想試南瓜😳🍽菠蘿熱情果綠茶 $45熱情果fans見到呢三個字係必點，少甜嘅甜度對我呢位平時走甜
食物選擇唔少，主要係西式，價錢同一般cafe差唔多。因為太肚餓，叫左兩個小食、兩個主食同兩杯野飲😳
🍽智利藍青口配刁草忌廉8隻 $88
有得揀刁草忌廉汁或者蕃茄，我地揀左忌廉。青口擺盤排得好整齊，青口沾住忌廉汁同伴碟嘅刁草、蕃茄仔食，好豐富。但忌廉汁稍稀，如果杰身啲，會掛汁啲仲正。（第一次食刁草本人，食落無乜草青😂）
🍽三色芝士焗墨西哥脆片 $88
有sour cream同牛油果醬！加焗到半融嘅芝士，無敵嘅組合。醬料比得大方，好夠用。男朋友食到無停手。
🍽鮮蝦汁蟹肉蘆筍意粉 $168
好想問！點解咁濃蝦味？第一啖食，蝦汁味濃到好似食緊蝦沾麵✨值得一食！平時出面好少見呢款口味，蟹肉份量足夠，意粉唔過稔。必點🚩
🍽黑松露牛肝菌野菌意大利飯 $158
超重菇菌味，🍄fans們可以出動。一入口好香黑松露味，飯中有好多菇，菇嘅口感好有咬口，我幾鐘意。意大利飯硬度可接受，米芯保留少少硬，又唔會硬到生米咁。下次想試南瓜😳
🍽菠蘿熱情果綠茶 $45
熱情果fans見到呢三個字係必點，少甜嘅甜度對我呢位平時走甜人黎講都OK，但菠蘿味本身太大牌，熱情果味唔夠出，私心想再熱情果啲。
🍽士多啤梨乳碌沙冰 $52
麻煩士多啤梨界飲品跟佢學下野！無藥水味！生平最怕加工士多啤梨味，呢杯係real士多啤梨🍓好fresh，岩曬我地食完忌廉青口同意大利飯解膩。明明係男朋友點嘅，我爭住飲✨必點
下次想試黑板寫嘅mint and lime smoothies!!落單時我miss左🥲
飽到食唔落甜點，waffle I will be back😿
總結：無伏加好食，有驚喜！想食記得book台🥄
張貼
