影片
更多
2017-02-09
261 瀏覽
朋友安排飯局，揀左新開張嘅圃公館，呢間食肆係名店龍圃二線分支。有局當然要上openrice 做功課，睇下食乜好。嘩！有道甜品好有型，命名文房四寶，紙筆墨硯都擺得入口。話說嗰晚食到最後諗住點佢，點知原來淨係午市有得食，想試下佢地啲墨水都唔得，晚市要食原來係要預訂嘅。好彩入座打卡Facebook 讚好係有HK$1500蚊Coupon，嗰晚用左HK$500，仲有HK$500可以午市用，同在座朋友分左，佢攞HK$300，我攞HK$200，揾日晏晝嚟食過先！呢幅係朋友早兩日食完影嘅相，佢好得戚咁同我講話好食，不過甜左少少，搞到有啲唔忿氣！據朋友講話係酥餅做筆頭，朱古力蛋巻做筆干，紫薯酥做硯，紙是由糯粉做嘅冰皮。有得食有得玩，正過出奇蛋！頭先冇講食完覺得正嘅野，嗱呢個三杯雞就真係正到暈喇，雞味正，酒香濃，醬油惹味，九層㟷又放得特別多，超興奮！招牌野農圃糯米雞翼就梗要食啦，皮脆肉juicy ，啖啖咬落都有炒到好香嘅糯米飯，招牌果然係招牌！呢個石窩海皇泡飯與別不同，有炸米飯同白飯兩溝，魚湯加左豆醬，又香又甜。冇文房四寶，果晚食左個杏仁茶，只係普通料，有香味無甜味，蛋白有啲老。朋友comment 話個燉
有局當然要上openrice 做功課，睇下食乜好。嘩！有道甜品好有型，命名文房四寶，紙筆墨硯都擺得入口。
話說嗰晚食到最後諗住點佢，點知原來淨係午市有得食，想試下佢地啲墨水都唔得，晚市要食原來係要預訂嘅。好彩入座打卡Facebook 讚好係有HK$1500蚊Coupon，嗰晚用左HK$500，仲有HK$500可以午市用，同在座朋友分左，佢攞HK$300，我攞HK$200，揾日晏晝嚟食過先！
呢幅係朋友早兩日食完影嘅相，佢好得戚咁同我講話好食，不過甜左少少，搞到有啲唔忿氣！據朋友講話係酥餅做筆頭，朱古力蛋巻做筆干，紫薯酥做硯，紙是由糯粉做嘅冰皮。有得食有得玩，正過出奇蛋！
頭先冇講食完覺得正嘅野，嗱呢個三杯雞就真係正到暈喇，雞味正，酒香濃，醬油惹味，九層㟷又放得特別多，超興奮！
招牌野農圃糯米雞翼就梗要食啦，皮脆肉juicy ，啖啖咬落都有炒到好香嘅糯米飯，招牌果然係招牌！
呢個石窩海皇泡飯與別不同，有炸米飯同白飯兩溝，魚湯加左豆醬，又香又甜。
冇文房四寶，果晚食左個杏仁茶，只係普通料，有香味無甜味，蛋白有啲老。朋友comment 話個燉雪梨好夠味，加左木瓜仲甜左。而另一朋友點嘅楊枝金露，我就試左少少，好味又特別，蕃石榴爆爆珠加菠蘿雪糕加入芒果底之後，味道豐富，食到啪啪聲。
今晚食嘅野，大致都好有水準，最得就梗係三杯雞同石窩海鮮泡飯。仲有200Coupon 喺手，一定一定要中午去食嗰個文房四寶先得！！！
張貼
