影片
更多
2020-10-26
108 瀏覽
整體十分推介！會Encore!!!!!!🦆鵝不是鴨肉半份($98) 極推介❗️簡單來講即係鵝片，配以芽菜蘿蔔滷水豆腐及特製醬汁，配料入味而且醬汁同鵝片好夾，亦唔會太鹹遮擋鵝嘅鮮味。鵝片肉質嫩滑，味道鮮甜，食起嚟一啲都唔覺得油膩，加埋配料一齊食就更加開胃！🦐花枝月亮蝦餅($78) 推介❗️比一般泰式蝦餅較為薄身，但係咬落去有好多蝦肉，既有口感又彈牙，煎到熱辣辣而且外脆內軟，配有佢嘅特製醬汁，食一塊完全一定唔夠喉，好彩一碟有6塊，同朋友分都夠晒數！🍲石鍋三蝦泡台梗飯($82)極推介❗️佢係一個熱辣辣嘅石鍋係你面前先倒啲飯落去，然後就開始不斷攪勻成為泡飯，湯底濃郁而且飯粒軟硬度適中，味道鮮甜又好味！但如果唔食芫荽嘅你就記得睇吓可唔可以走芫荽。🌯金銀蒜泥五花白肉($58)極推介❗️薄薄嘅青瓜卷同五花肉卷埋一齊令到原本油膩嘅五花肉變到十分清新，每一啖都會食到好多層嘅青瓜同五花肉，有d似爽口千層蛋糕，而且醬汁加上卷頂嘅金銀蒜令全件事配合得天衣無縫！🍚滷肉台梗米飯($28) 極推介❗️肥肉瘦肉分佈均勻，令到成碗飯唔會好油膩，滷肉汁味道亦剛好，唔似得外面有啲滷肉飯個汁太鹹，糖心蛋火候適當，係自己可以食晒嘅一碗好
🦆鵝不是鴨肉半份($98) 極推介❗️簡單來講即係鵝片，配以芽菜蘿蔔滷水豆腐及特製醬汁，配料入味而且醬汁同鵝片好夾，亦唔會太鹹遮擋鵝嘅鮮味。鵝片肉質嫩滑，味道鮮甜，食起嚟一啲都唔覺得油膩，加埋配料一齊食就更加開胃！
🦐花枝月亮蝦餅($78) 推介❗️
比一般泰式蝦餅較為薄身，但係咬落去有好多蝦肉，既有口感又彈牙，煎到熱辣辣而且外脆內軟，配有佢嘅特製醬汁，食一塊完全一定唔夠喉，好彩一碟有6塊，同朋友分都夠晒數！
🍲石鍋三蝦泡台梗飯($82)極推介❗️
佢係一個熱辣辣嘅石鍋係你面前先倒啲飯落去，然後就開始不斷攪勻成為泡飯，湯底濃郁而且飯粒軟硬度適中，味道鮮甜又好味！但如果唔食芫荽嘅你就記得睇吓可唔可以走芫荽。
🌯金銀蒜泥五花白肉($58)極推介❗️
薄薄嘅青瓜卷同五花肉卷埋一齊令到原本油膩嘅五花肉變到十分清新，每一啖都會食到好多層嘅青瓜同五花肉，有d似爽口千層蛋糕，而且醬汁加上卷頂嘅金銀蒜令全件事配合得天衣無縫！
🍚滷肉台梗米飯($28) 極推介❗️
肥肉瘦肉分佈均勻，令到成碗飯唔會好油膩，滷肉汁味道亦剛好，唔似得外面有啲滷肉飯個汁太鹹，糖心蛋火候適當，係自己可以食晒嘅一碗好！味！飯！
🥯胡椒葱肉包
外貌驚喜亦外脆內軟，充滿胡椒香味，但比較台灣胡椒包略嫌肉汁有點不夠。
🍯甜品
🍡生薑鮮奶湯圓
湯圓係花生餡，略嫌湯圓皮太厚，配以薑絲既鮮奶湯都幾特別。
🍡桃膠燉蛋白
蛋白出奇地香滑同creamy，如果除了桃膠還有其他選擇就好了。
🍡芋圓仙草凍
有紅豆、仙草及芋圓，芋圓略嫌太少只有5粒，而且整體偏甜，味道較普通，不推介。
張貼
